Tich Joote 25:6 - MUMA MALER 2015

⁶ Kane Festo osebet kodgi kuom ndalo ma ok oloyo aboro kata apar, ne odok Kaisaria, kendo kinyne nobet e kom ng’ado bura, mogolo chik mondo okel Paulo e nyime.

Motingʼo Loko Manyien

⁶ Bangʼ kane osebet kodgi kuom ndalo aboro kata apar, nolor odhi Kaisaria, eka kinyne nochoko bura mogolo chik mondo okel Paulo e nyime.

Tich Joote 25:6 ပူးပေါင်းရင်းမြစ်များ

Mathayo 27:19

Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”

Johana 19:13

Kane Pilato owinjo wechego, nogolo Yesu oko. Eka nobet e kom bura, kama iluongo ni Laru mar Kidi. (Laruno iluongo gi dho Hibrania ni, Gabatha)

Tich Joote 25:1

Bang’ ndalo adek kane Festo osechako tichne e pinyno, nodhi Jerusalem.

Tich Joote 25:10

Paulo to nodwoke ni, “Achung’ e nyim kom ng’ado bura mar Kaisar, omiyo kaeri ema owinjore ng’adnae bura. Onge gima rach ma asetimo ni jo-Yahudi, kaka ing’eyo maber chuth!

Tich Joote 25:17

Omiyo kane gibiro kaeri, to kinyne ne abet e kom bura ma ok adeko, kendo ne agolo chik mondo okel ng’atno e nyima.

Tich Joote 25:4

To Festo nodwokogi ni, “Paulo otue e jela Kaisaria, kendo an awuon abiro dok kuno machiegni.

Tich Joote 25:5

Jodongu mondo obi wadhi Kaisaria odonjne kuno, kaponi osetimo gimoro marach.”

Tich Joote 8:40

To Filipo nothinyore mana Ashdod, mi owuotho e mier duto, kolando Wach Maber nyaka nochopo Kaisaria.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Jakobo 2:6

To un usekuodo wi jachan! To donge jomwandu e joma thagou? Koso donge gin ema giywayou ka giterou e bura?