Tich Joote 25:23 - MUMA MALER 2015

²³ Kinyne Agripa kod Bernike nobiro gi nyasi maduong’, mi odonjo e od bura, kaachiel gi jodong lweny kod joma ogen duto manie dalano. Eka Festo nogolo chik, mi okel Paulo.

Motingʼo Loko Manyien

²³ Kinyne Agripa kod Bernike nobiro gi dhialruok maduongʼ ka gidonjo e od bura. Negidonjo kaachiel gi jodong jolweny madongo kod jodong dalano mamoko mogen. Eka Festo nogolo chik mondo okel Paulo e nyimgi, mi nokele.

Tich Joote 25:23 ပူးပေါင်းရင်းမြစ်များ

Eklesiastes 1:2

Owacho niya, “Ngima en gima nono. Gik moko duto onge tich. Gin gik manono giduto, kendo onge gima nigi tiende kata achiel!

Isaya 14:11

Duong’ ma yande in go, kaachiel gi thumbe ma yande iwinjo, osedhi kodi e Piny Joma Otho. Kudni e godhro minindoe, kendo e baranget miumorigo.

Isaya 5:14

Emomiyo piny joma otho ong’amo dhoge malach, ka dande oyawore, mondo omwonygo joma ogen kaachiel gi ji mamoko duto, e kinde ma gikokie gi mor.

Ezekiel 30:18

Ka atieko teko ma jo-Misri sungorego, to mudho noim Tapanhes. Adier, rumbi noim piny Misri, mi ji duto manie mieche nomaki mi ter e tuech.

Ezekiel 32:12

kendo abiro miyo jolweny moa kuom oganda magerie moloyo neg oganda maduong’ mar jolwenji. Gibiro ketho gik moko duto ma isungorigo, mi gineg jogi duto.

Ezekiel 33:28

Anaketh pinyno mi lokre thim, kendo tekregi ma gisungorego norum. Gode mag Israel nobed moyugno, maonge ng’ama nyalo wuothoe.

Ezekiel 7:24

Omiyo abiro kelo ogendini marichoe moloyo mondo okaw miechu. Abiro tieko sunga jou marateke, mi ami ogendini keth kuondeu mag lemo.

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”

Mariko 6:21

To achien, kane Herode otimo nyasi maduong’ ni ruodhi gi jodonge kod jotelo mag Galili, mondo opargo chieng’ nywolne, Herodia noyudo thuolo mar timo gima ne odwaro.

Tich Joote 12:21

Chieng’ moro moyiedhi, Herode ne orwako lepe mag duong’, kendo ne obet e kom duong’ne, mi ochako wuoyo ni ji.

Tich Joote 25:13

Bang’ kinde moko, ruoth Agripa kod Bernike nobiro Kaisaria mondo omos Festo.

Tich Joote 26:30

Eka ruodhi ariyogo, kaachiel gi Bernike kod jomoko duto, nochung’,

Tich Joote 9:15

To Ruoth nowachone niya, “Dhi adhiya, nikech en ema aseyiere obed jatichna mondo omi ogendini ma ok jo-Yahudi, kaachiel gi ruodhi kod jo-Israel, ong’eya.

1 Jo-Korintho 7:31

Bende joma konyore gi mwandu mag piny mondo obed ka joma ok konyrego, nikech pinyni kadho, kaachiel gi gige duto.

Jakobo 1:11

Ka chieng’ owuok makech to wang’o maua kendo thiepene lwar piny, bang’e kite maber lal nono. Kamano e kaka jamoko bende biro lal nono mana ka tiyo tichne.

1 Petro 1:24

En mana kaka Muma wacho ni, “Dhano duto chalo gi lum, kendo duong’ duto ma en-go chalo gi thiepe lum. Lum ner, kendo thiepe two.

1 Johana 2:16

nikech gik moko duto manie piny, kaka gombo mag ringruok gi gombo mar wang’, kod sunga ma ji sungorego kuom gik ma gin-go, ok a kuom Wuoro, to gin mana mag pinyni.