Tich Joote 25:11 - MUMA MALER 2015

¹¹ Kapo ni aseketho chik kendo asetimo gimoro mowinjore gi tho, to ok adagi tho. To ka weche ma gidonjonagogi ok adier, to onge ng’ama nigi teko mar chiwa e lwetgi. Omiyo akwayi mondo otera e nyim Kaisar.”

Motingʼo Loko Manyien

¹¹ Ka dipo ni asetimo gimoro mowinjore gi tho, to ok atamora mondo kik nega. To ka nyalo bet ni ketho ma jo-Yahudigi odonjonago gin miriambo, to onge ngʼato man-gi teko mar chiwa e lwetgi. Kuom mano, akwayo mondo otera e nyim Kaisar.”

Tich Joote 25:11 ပူးပေါင်းရင်းမြစ်များ

Ayub 31:21

Kapo ni asewuondo nyathi kich moro, nikech ang’eyo ni daloye e bura,

Jeremia 37:18

Bang’ mano Jeremia nopenjo Zedekia niya, “Ere gima asekethoni kata ni jodongi kata ni jogi momiyo iketa e tuech?

Tich Joote 16:37

To Paulo nowacho ni askechego niya, “Nyoro gichwadowa e nyim ji, maonge ketho moyudwago, to wan jo-Rumi! Bende nyoro gibolowa e jela, to koro ere gima omiyo gidwaro golowa ling’ling’? Ooyo, gibi abiya mondo gigolwa giwegi.”

Tich Joote 18:14

To kane oyudo Paulo dwaro wuoyo, Galio nowacho ni jo-Yahudi niya, “Yaye, un jo-Yahudi, ka da bed ni wachuni en wach ketho chik, kata wach tim achaya, to da en kare mondo awinju.

Tich Joote 22:25

To kane gisetueyo Paulo mondo gichwadi, Paulo nopenjo jatend askeche mane ochung’ kanyo ni, “Bende chik oyie mondo ochwad ng’at ma ja-Rumi kata ka pok oyale mi bura oloye?”

Tich Joote 25:10

Paulo to nodwoke ni, “Achung’ e nyim kom ng’ado bura mar Kaisar, omiyo kaeri ema owinjore ng’adnae bura. Onge gima rach ma asetimo ni jo-Yahudi, kaka ing’eyo maber chuth!

Tich Joote 25:12

Eka kane Festo osepimo wach gi jong’adne rieko, nowacho ni Paulo niya, “Kaka isekwayo mondo oteri e nyim Kaisar, koro buch Kaisar ema ibiro dhiye.”

Tich Joote 25:21

To ne okwayo ni mondo oweye orit Kaisar ong’ad buche, omiyo ne agolo chik mondo orite nyaka chop aore e nyim Kaisar.”

Tich Joote 25:25

To an ne anwang’o ni onge gima rach mosetimo mowinjore gi tho. To kaka en owuon nokwayo buch Kaisar, ne aneno ni mondo aore e nyim Kaisar.

Tich Joote 26:32

Bang’ mano Agripa nowacho ni Festo ni, “Dine bed ni ok nokwayo mondo oyale e buch Kaisar, to dikoro ne osegonye.”

Tich Joote 28:19

To jo-Yahudi nokwer, omiyo ne ochuna mondo akwa mondo yala e buch Kaisar, kata obedo ni aonge gi wach moro mane adwaro donjogo ni ogandawa kamano!

1 Jo-Thesalonika 2:15

Jo-Yahudigo ema ne onego Ruoth Yesu kod jonabi maggi, kendo gin ema ne giriembowa oko. Ok gilong’o ni Nyasaye, bende gimon gi ji duto.

Joshua 22:22

“Ruoth Nyasaye e Nyasaye Maduong’! Ruoth Nyasaye e Nyasaye Maduong’! En ema ong’eyo gima omiyo ne wagero kendoni, to un bende nyaka ung’e. Ka en adieri ni waseketho, kendo waweyo Ruoth Nyasaye, to owinjore watho.

1 Samuel 27:1

Daudi noparo niya, “Chieng’ moro Saulo nonega. Onge gimoro maber ma datim, mak mana karingo adhi e piny jo-Filistia. Mano eka Saulo nowe lawa, nikech kata komanya machal nadi e piny Israel duto, to ok nonwang’a, kendo natony kaa e lwete.”