Tich Joote 24:18 - MUMA MALER 2015

¹⁸ Mano e gima ne ginwang’a e Hekalu ka atimo, kendo ka asepuodhora. Onge ji mathoth mane ni koda, kendo koko moro bende ne onge.

Motingʼo Loko Manyien

¹⁸ Kane giyuda e hekalu ka adhi timo mano, negiyudo ka asepwodhora kendo aler. Onge chokruok mar ji mane ni koda, kata tim koko moro mane asechako.

Tich Joote 24:18 ပူးပေါင်းရင်းမြစ်များ

Johana 18:21

Ere gimomiyo an ema ipenja? Penj joma nowinjo wechena gima ne apuonjogi, nikech ging’eyo gima ne awacho.”

Tich Joote 2:9

Wan kaeri jo-Parthia gi jo-Media kod jo-Elam gi joma oa Mesopotamia gi Judea kod Kapadokia gi Ponto kod Asia

Tich Joote 21:24

Dhiyo mondo ipuodhri kaachiel kodgi, kendo ichulnegi nengo mag misengni ma onego gichiw kapok olielgi kaka ranyisi ni gisetieko kuong’ruokgi. Kamano ji duto biro ng’eyo ni gik moko duto ma gisewinjo kuomi ok gin adier, kendo gibiro ng’eyo ni in bende iluwo mana Chik Musa.

Tich Joote 24:12

To jo-Yahudi ne ok onwang’a e Hekalu, kata e ut lemo, kata kamoro amora e Jerusalem, ka amino wach gi ng’ato, kata ka athuwo ji.

Tich Joote 26:21

Mano emomiyo jo-Yahudi nomaka ka an e Hekalu, mi gitemo nega!

Tich Joote 6:9

To jomoko mane lemo e od lemo moro miluongo ni Od Lemo mar Wasumbni Mogony, ne ok oyie kode. Ne gin jo-Yahudi moa Kurene gi Aleksandria gi Kilikia kod Asia. Ne gibiro, mi gigoyo mbaka kod Stefano.