Tich Joote 23:30 - MUMA MALER 2015

³⁰ To koro aseyudo wach ni jo-Yahudi moko osechano mondo onege, omiyo aneno ni ber mondo aornigo piyopiyo, kendo asenyiso joma dwaro donjone mondo obi odonjne kuomi. An moluori, Klaudio Lusio.”

Motingʼo Loko Manyien

³⁰ To kane awinjo ni jo-Yahudi chano mar nege lingʼ-lingʼ, to ne aore iri mapiyo. Bende ne agolo chik mondo joma odonjone obi iri mondo ginyisi gimomiyo gidonjone.

Tich Joote 23:30 ပူးပေါင်းရင်းမြစ်များ

Tich Joote 15:29

To chikego e magi: Kik ucham chiemo mosetimgo misango ni nyiseche manono, kendo kik ucham remo kata gima ode, bende kik uterru. Kuritoru kuom gigo duto, to unudhi nyime maber. Oritu.”

Tich Joote 23:12

Kinyne gokinyi, jo-Yahudi moko nochokore kaachiel mochano gima onego gitim. Ne gikuong’ore ni ok ginyal chiemo kata madho gimoro kapok ginego Paulo.

Tich Joote 23:20

Wuowino nodwoke niya, “Jodong jo-Yahudi osewinjore mondo okwayi kiny iornegi Paulo e buchgi, ka giwuondore ni gidwaro nono wachne maber.

Tich Joote 23:31

Askeche ne otimo kaka ne onyisgi. Ne gikawo Paulo gotieno, mi gitero nyaka Antipatra.

Tich Joote 23:35

nowachone ni, “Abiro winjo wachni ka joma odonjoni obiro.” Eka nogolo chik mondo oket Paulo e od bura mane Herode ogero, kendo orite kuno.

Tich Joote 24:19

To jo-Yahudi moko moa e piny Asia ema ne ni kanyo, kendo gin ema aye onego gibi e nyimi kaeri, kapo ni gin gi wach moro ma gidwaro donjonago!

Tich Joote 25:16

To ne adwokogi ni, ‘Ok en tim jo-Rumi chiwo ng’ato kapok oyalo wang’ gi wang’ gi joma odonjone, mi oyudo kinde mar dwoko weche modonjnego.’

Tich Joote 9:24

to Saulo nowinjo gima ne gichano timone. Ne girito dhorangeye odiechieng’ gotieno,

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.