Tich Joote 23:23 - MUMA MALER 2015

²³ Jaduong’ lweny noluongo jatend askeche, ariyo mi owachonigi niya, “Ikuru askeche mia ariyo gi joidh farese piero abiriyo kod askeche moko mia ariyo moting’o tong’ mondo owuog odhi Kaisaria sa adek mar otieno.

Motingʼo Loko Manyien

²³ Eka noluongo jotend askeche ariyo momiyogi chik niya, “Ikuru jolweny mia ariyo, gi mamoko piero abiriyo moidho farese kod mia ariyo motingʼo tonge mondo oikre mar dhi Kaisaria kawuono sa adek mar otieno.

Tich Joote 23:23 ပူးပေါင်းရင်းမြစ်များ

Mathayo 14:25

Yesu nodhi irgi kar koguen ka wuotho ewi pi.

Luka 12:38

Kata ka obiro mana odiwuor kata kogwen, moyudo ka giikore, to mano kaka gin johawi!

Tich Joote 23:22

Kane wuowino otieko wuoyo, jaduong’ lweny nowachone ni, “Kik iwach ni ng’ato ni isenyisa wachni.” Eka noweye odhi.

Tich Joote 23:31

Askeche ne otimo kaka ne onyisgi. Ne gikawo Paulo gotieno, mi gitero nyaka Antipatra.

Tich Joote 23:32

Kinyne askeche mawuotho gi tiendegi noweyo joidh farese mondo odhi kode, to gin ne giduogo kama askeche odakie.

Tich Joote 23:33

Joidh farese nochopo Kaisaria, mi omiyo ruoth barua, kendo gikelo Paulo e nyime.

Tich Joote 24:7

To Lusio ma jaduong’ lweny nobiro mogole kuomwa gi thwon!

Tich Joote 8:40

To Filipo nothinyore mana Ashdod, mi owuotho e mier duto, kolando Wach Maber nyaka nochopo Kaisaria.