Tich Joote 23:21 - MUMA MALER 2015

²¹ To kik iyienigi, nikech nitie ji moloyo piero ang’wen ma biro butone. Gisekuong’ore ni ok ginyal chiemo kata madho gimoro kapok ginege. Adier, giikore mar timo kamano, kendo wachni ema girito.”

Motingʼo Loko Manyien

²¹ Kik iyie gi kwayogino nikech ji moloyo piero angʼwen kuomgi osebutone. Gisekwongʼore ni ok ginicham kata madho gimoro kapok ginege. Kata sani giseikore, girito mana mondo iyie gi kwayogino.”

Tich Joote 23:21 ပူးပေါင်းရင်းမြစ်များ

Wuok 23:2

Kik itim gimoro marach mana nikech iluoro koma ji ng’enyie, kata kik iketh bura mana nikech idwaro chwako koma ji ng’enyie.

Luka 11:54

ka gikiyo wach moro marach mawuok e dhoge mondo gimakego.

Tich Joote 20:19

Ne atiyo ni Ruoth gi chuny mamuol chuth, ka pi wang’a chuer, kendo ka aneno masiche nikech gik maricho mane jo-Yahudi chano timona.

Tich Joote 23:22

Kane wuowino otieko wuoyo, jaduong’ lweny nowachone ni, “Kik iwach ni ng’ato ni isenyisa wachni.” Eka noweye odhi.

Tich Joote 25:3

mondo otimnigi ng’wono oluong Paulo obi Jerusalem.

Jo-Rumi 9:3

Dayie mondo an awuon Nyasaye okweda, mi gola kuom Kristo, kapo ni mano dikonygi.

2 Jo-Korintho 11:26

E wuodhena mang’eny pile ne aneno masiche e aore, kendo nayudo thagruok kuom jomecho, kendo kuom jo-Yahudi wetena kod kuom joma ok jo-Yahudi. Bende ne aneno masiche e mier, gi thim, gi nembe, kendo kuomowete mag miriambo.