Tich Joote 22:23 - MUMA MALER 2015

²³ Ne gimedo kok matek ka gikwadho lepgi, kendo gikiro buru e kor yamo,

Motingʼo Loko Manyien

²³ Kane pod gikok ka gikwadho lepgi kendo gikiro bura e kor yamo,

Tich Joote 22:23 ပူးပေါင်းရင်းမြစ်များ

2 Samuel 16:13

Daudi gi joge nodhi nyime gi wuodhgi, to Shimei ne wuotho e kor got komanyore gi Daudi, kokuong’e kendo obaye gi kite, kendo oguetho.

Eklesiastes 10:3

Fupe nenore anena kata mana kowuotho e yo, omiyo ji duto ng’eyo ni en ng’at mofuwo.

Mathayo 4:18

Kane oyudo Yesu wuotho e dho nam Galili, noneno owete ariyo ma jolupo, ka chiko rech e nam gi tol. Ne gin Simon miluongo ni Petro, gi Andrea owadgi.

Tich Joote 26:11

Kuom ndalo mang’eny namiyo osandgi e ut lemo duto, ka atemo mondo ami giyany Yesu. Ne ager kodgi marach, mi ne adhi koda ka e mier mag pinje mamoko mondo asandgi kuondego.

Tich Joote 7:53

Un e joma noyudo Chik Nyasaye mane malaika okelo, to utamoru rito!”

Tich Joote 7:58

Ne gigole oko e dala, mi gigoye gi kite. To joma nohangone wach kande noweyo lepgi ni wuowi moro ma nyinge Saulo.