Tich Joote 22:22 - MUMA MALER 2015

²² Ji noseyudo obet kawinjo weche Paulo, to kane ochopo e wachno, ne gikok matek niya, “Negeuru! Ng’at ma kama ok owinjore obed mangima!”

Motingʼo Loko Manyien

²² Ogandano nochiko itgi kawinjo gik mane Paulo wacho, eka negichako kok giduto kagiwacho niya, “Neguru ngʼatni! Ok owinjore obed mangima!”

Tich Joote 22:22 ပူးပေါင်းရင်းမြစ်များ

Luka 23:18

To oganda ji duto nokok ni, “Neg ng’atni, to gonynwa Baraba!”

Johana 19:15

To ne gikok ni, “Nege! Nege! Gure e msalaba!” Pilato nopenjogi niya, “Udwaro ni mondo agur ruodhu koso?” To jodolo madongo nodwoke ni, “Waonge gi ruoth, mak mana Kaisar.”

Tich Joote 21:36

Ne giluwogi giduto, ka gikok ni, “Negeuru!”

Tich Joote 25:24

Festo nowacho niya, “Ruoth Agripa, kaachiel gi ji duto man kodwa ka. Uneno jali? En ema jo-Yahudi duto man kaeri kod man Jerusalem osedonjone kuoma, ka gidhaw ni ok owinjore obed mangima.

1 Jo-Thesalonika 2:16

To bende gitemo koda ka sindowa mondo kik waland ni joma ok jo-Yahudi wach makelonigi warruok. Kamano gipong’o rapor mar richogi, omiyo mirimb Nyasaye koro osejukogi!