Tich Joote 22:14 - MUMA MALER 2015

¹⁴ Eka ne owachona niya, ‘Nyasaye ma Nyasach kwerewa oseyieri mondo ing’e gima odwaro, kendo ine Jatichne Makare kendo iwinj dwonde owuon kowuoyo kodi.

Motingʼo Loko Manyien

¹⁴ “Eka nowachona ni, ‘Nyasach kwerewa oseyieri mondo ingʼe dwarone kendo ine Jatichne Makare, kendo iwinj dwonde kowuoyo kodi.

Tich Joote 22:14 ပူးပေါင်းရင်းမြစ်များ

2 Ruodhi 21:22

Noweyo Ruoth Nyasaye ma Nyasach kwerene, kendo notamore luwe.

1 Weche mag Ndalo 12:17

Daudi nowuok romonigi, mowachonigi niya, “Ka usebiro ira kaka osiepe mondo ukonya, to arwakou gi mor. To ka ubiro ni mondo undhoga, kendo uketa e lwet wasika, to onge gima aseketho, to Nyasach kwerewa mondo one wachno, kendo ong’adnu bura.”

1 Weche mag Ndalo 29:18

A Nyasach Ibrahim gi Isaka kod Israel kwerewa, yie imi jogi obed gi chuny mang’won kama nyaka chieng’, kendo imi gipari.

2 Weche mag Ndalo 28:25

Noloso hembko e mier duto mag Juda mondo owang’ie ubani ni nyiseche manono, kokwinyogo Ruoth Nyasaye ma Nyasach kwerene.

2 Weche mag Ndalo 30:19

moketo chunye kuome, kata obedo ni ng’atno ok opwodhore kaka chik Hekalu dwaro.”

Ezra 7:27

Ezra nowacho niya, “Apako Ruoth Nyasaye ma Nyasach kwerewa, moseketo wach makama e chuny ruoth mondo omed ber mar Od Ruoth Nyasaye man Jerusalem,

Wuok 15:2

Ruoth Nyasaye e tekona, kendo e wenda, En ema osewara. En e Nyasacha, kendo abiro pake. En e Nyasach wuora, kendo abiro miye duong’.

Jeremia 1:5

“Kane pok achueyi e ich, ne oyudo aseyieri, kendo kane pok onywoli, ne asewali mondo iti tichna, mi aketi janabi ni ogendini.”

Daniel 2:23

In Nyasach kwerena, apaki kendo amiyio duong’. Isemiya rieko gi teko, kendo idwoko kwayona, ka inyisowa gima onego wawachi ni ruoth.”

Johana 15:16

Un ne ok uyiera, to an ema ne ayierou, mi awalou mondo udhi unyag olemo, kendo mondo olemo munyagono osiki, mondo Wuora omiu gimoro amora mukwaye e nyinga.

Tich Joote 13:17

Nyasaye ma Nyasach jo-Israelgi noyiero kwerewa, moloko oganda motegno e ndalo mane gin jodak e piny Misri. Bang’e nogologi kuno gi tekone maduong’,

Tich Joote 22:15

Osetimo kamano mondo ibed jatichne, kinyiso ji duto gik ma iseneno kendo isewinjo.

Tich Joote 22:18

mi aneno Ruoth e fweny, kowachona ni, ‘Reti ia Jerusalem piyo, nikech joma odak ka ok nyal yie weche ma iwacho kuoma.’

Tich Joote 24:14

To gimoro achiel ma anyalo yie, en ni alamo Nyasach kwerewa kaluwore gi Yor Ruoth ma giluongo ni kanyaklano, ka ayie gi weche duto mondik e Chik Musa, kendo e kitepe mag Jonabi.

Tich Joote 26:16

To a malo, mondo ichung’ gi tiendi. Asefwenyorani mondo aketi jatichna, kendo nyaka inyis ji kaka isenena kawuono, bende inyisgi gik mapod abiro nyisi e ndalo mabiro.

Tich Joote 5:30

Un ne unego Yesu, kuguro e msalaba, to Nyasaye ma Nyasach kwerewa nochiere oa kuom joma otho.

Tich Joote 7:52

Bende nitie janabi moro mane kwereu ok osando? Ne ginego joote Nyasaye mane osehulo chon ni Ng’ama Kare biro biro. To koro un usendhogo Ng’ama Kareno, mi unego.

Tich Joote 9:15

To Ruoth nowachone niya, “Dhi adhiya, nikech en ema aseyiere obed jatichna mondo omi ogendini ma ok jo-Yahudi, kaachiel gi ruodhi kod jo-Israel, ong’eya.

Tich Joote 9:17

Kuom mano, Anania nodhi modonjo e odno. Noketo lwete kuom Saulo, mowachone ni, “Owadwa Saulo, Ruoth Yesu mane ofwenyoreni e yo kibiro ka, oseora iri mondo ichak inen, kendo ipong’ gi Roho Maler.”

Jo-Rumi 1:1

Ma en barua ma an Paulo, jatich Yesu Kristo, ema andikonu un jo-Rumi. Nyasaye noluonga mondo abed jaote, kendo nowala mondo aland Wachne Maber.

1 Jo-Korintho 11:23

Puonj mane ayudo kuom Ruoth, mi amiyou chal kama: Ruoth Yesu nokawo makati e otieno nogo mane ondhogee,

1 Jo-Korintho 15:3

Wach maduong’ie moloyo akelonu, kendo ma an bende nokelna, en ni: Kristo notho nikech richowa, kaka Muma wacho.

1 Jo-Korintho 15:8

Bang’e mogik, an bende nofwenyorena apoya, mana ka nyathi monywol apoya.

1 Jo-Korintho 9:1

Donge an ng’at man thuolo? Koso donge an jaote mar Kristo? Donge aseneno Yesu Ruodhwa? Koso ok un e ranyisi mar tich ma atiyo ni Ruoth?

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Jo-Galatia 1:12

Adier, ne ok ayude kuom dhano, bende onge ng’ama ne opuonjago, to Yesu Kristo owuon ema ne ofwenyonago.

Jo-Galatia 1:15

To Nyasaye, mane owala kane pok onywola, ne oluonga kuom ng’wonone mondo atine. Kuom mano, e kinde mane oneno ni ber

2 Timotheo 1:1

An Paulo, jaote mar Kristo Yesu kuom dwaro mar Nyasaye,

Tito 1:1

An Paulo, ma misumba Nyasaye, kendo jaote Yesu Kristo, ema andiko baruani. Nyasaye ne oora mondo ajiw yie mar joma Nyasaye oyiero obed motegno, kendo mondo apuonjgi adiera mamiyo giluoro Nyasaye,

1 Petro 2:22

Muma wacho niya, “Ne ok otimo richo, bende miriambo ne ok owuok e dhoge.”

1 Johana 2:1

Nyithinda, andikonu wechegi mondo kik utim richo, to ka ng’ato otimo richo, to wan gi Jakony masayonwa Wuoro. En Yesu Kristo, Jal makare.