Tich Joote 20:7 - MUMA MALER 2015

⁷ Chieng’ mokwongo bang’ Sabato, tiende ni chieng’ Ngeso godhiambo, ne wachokore mondo wacham Sap Ruoth. To kaka Paulo ne ikore ni kinyne oa, nopuonjo nyaka dier odiewuor.

Motingʼo Loko Manyien

⁷ To Chiengʼ mokwongo mar juma ne wachokore mondo wacham Sap Ruoth. Paulo nopuonjo ji nyaka odiwuor nikech nochano mar aa kinyne gokinyi.

Tich Joote 20:7 ပူးပေါင်းရင်းမြစ်များ

Nehemia 8:3

Nosomo kitabuno chakre okinyi mang’ich nyaka odiechieng’ tir, kochung’ momanyore gi laru man e nyim Ranga Pi, e nyim chwo gi mon kod nyithindo mane oromo winjo tiend gik mane iwacho. Ji duto nochiko itgi maber mondo owinj kitap chik.

Nehemia 9:3

Kane gichung’ kamano, kitap chik mar Ruoth Nyasaye ma Nyasachgi nosom kuom seche adek, eka ne gihulo richogi kendo gilamo Ruoth Nyasaye ma Nyasachgi kuom seche adek mamoko.

Mariko 16:9

Kane Yesu osechier gokinyi mang’ich chieng’ Jumapil, nofwenyore ni Maria nyar Magdala, mane osegolone jochiende abiriyo.

Luka 22:19

Eka nokawo makati, kendo kosegoyo ni Nyasaye erokamano, nong’ingo makatino, kowacho ni, “Ma e ringra mochiw nikech un. Timuru kamano mondo uparago.”

Luka 24:35

Eka jopuonjre ariyogo bende nohulo gima ne osetimore e yo, kendo kaka ne ging’eyo Ruoth kong’ingo makati.

Johana 20:1

To chieng’ Jumapil, kane piny pod huyuhuyu, Maria nyar Magdala nodhi e liel moyudo ka kidi oseng’iel oko e dho liel.

Johana 20:19

Chieng’ Jumapilno, kane piny oyuso, jopuonjre ne nie ot, kendo ne gichiego dhoudi nikech ne giluoro jo-Yahudi. Eka Yesu nobiro mochung’ e diergi, kendo omosogi ni, “Okueuru!”

Johana 20:26

Bang’ juma achiel, jopuonjre Yesu ne ochako obedo e odno, to koro Thoma bende ne ni kodgi. Kata obedo ni dhoudi nochiegi, to Yesu nobiro, mochung’ e diergi, kendo omosogi ni, “Okueuru!”

Tich Joote 16:10

Kane Paulo oseneno fwenyno, ne waikore piyopiyo mondo wadhi e piny Makedonia nikech ne wang’eyo ni Nyasaye oseluongowa mondo waland Wach Maber ni jopinyno.

Tich Joote 2:42

Jogo noketo chunygi kuom puonj joote, kendo kuom timo gik moko duto kaachiel, kendo kuom chamo Sap Ruoth, kendo kuom lemo.

Tich Joote 2:46

Pile ne gichokore gi chuny achiel e Hekalu, kendo ne gidhi e ot ka ot mondo gichamie Sap Ruoth. Ne gichiemo kaachiel gi mor,

Tich Joote 20:11

Eka ne odok malo, mi opogonigi Sap Ruoth, kendo kane osechiemo nomedo wuoyo kodgi aming’a nyaka piny oru eka oa.

Tich Joote 20:31

Emomiyo tang’uru, kuparo ni kuom higni adek, odiechieng’ gotieno, ne ok aweyo mak asiemo ng’ato ka ng’ato kuomu ka pi wang’a chuer.

Tich Joote 20:5

Jogo notelo nyimwa mi giritowa Troa.

Tich Joote 20:9

Wuowi moro ma nyinge Yutiko nobet e dirisa, mi nindo ochako tere mosmos, kendo kaka Paulo nodhi nyime gi puonjo, e kaka Yutiko bende nindo ne medo tero. Bang’e achien, nindo nokawe chuth mi opodho piny, koa e gorofa mar adek, ne gilor, mi giting’e kosetho.

Tich Joote 28:23

Kuom mano ne giwinjore gi Paulo ni onego giduog chieng’ machielo, kendo chieng’no ne gibiro mang’eny kama odakie. Ne owuoyonigi chakre okinyi nyaka odhiambo, konyisogi malong’o wach Loch Nyasaye. Bende notemo lokogi mondo giyie kuon Yesu, kogolo weche e Chik Musa, kendo e kitepe mag Jonabi.

1 Jo-Korintho 10:16

Ka wamadho kikombe mar gueth, ma wagoyo ni Nyasaye erokamano kuome, to donge waduto wan e achiel kuom remb Kristo?

1 Jo-Korintho 15:10

To ng’wono mar Nyasaye ema osemiyo abedo kaka achaloni, kendo ng’wono mane omiya ok osebet kayiem nono. Chutho asetiyo matek moloyo joote mamoko duto, to ok gi tekra awuon, to ng’wono mar Nyasaye ema notiyo kuoma.

1 Jo-Korintho 16:2

Chieng’ Jumapil ka Jumapil, ng’ato ka ng’ato kuomu mondo opog moko kuom gik ma Nyasaye osekonyego, oket tenge mondo solro kik tim ka abiro.

2 Timotheo 4:2

land Wach Nyasaye, kendo ket chunyi kuom tijno kinde duto, kata ka piny ber kata rach. Kwer weche duto ma ok ni kare. Kendo rie weche maricho, kijiwo ji kendo ipuonjo gi kinda duto.

Fweny 1:10

To chieng’ Ruoth, Roho ne omaka, mi awinjo dwol maduong’ maywak ka tung’ ka wuoyo gi yoka ng’eya.