Tich Joote 20:35 - MUMA MALER 2015

³⁵ Ne atimo kamano mondo anyisugo ni mano e kaka nyaka wati matek mondo wakonygo joma oyomno, kwaparo wach mane Ruoth Yesu owuon owacho ni, ‘Chiwo kelo gueth moloyo kawo.’ ”

Motingʼo Loko Manyien

³⁵ Asenyisou gi yore duto ni nyaka wati matek wan wawegi mondo wakonygo joma chandore, ka waparo wach mane Ruoth Yesu owachonwa ni, ‘Chiwo kelo gweth moloyo kawo!’  ”

Tich Joote 20:35 ပူးပေါင်းရင်းမြစ်များ

Ngeche 19:17

Ka imiyo jachan gimoro, to ichalo ng’at ma holo Ruoth Nyasaye, nikech Ruoth Nyasaye nodwoknigo.

Isaya 32:8

Ng’at ma jaadiera to paro mana gik makare, kendo ok we adiera kata matin.

Isaya 35:3

Teguru bede mayomyom, kendo rieuru chong monyosore,

Mathayo 10:8

To bende changuru joma tuo, kendo chieruru joma otho, bende puodhuru jodhoho, kendo goluru jochiende. To kaka useyudo nono bende chiwuru nono.

Tich Joote 20:20

Bende ung’eyo kaka ne ok aluoro nyisou gimoro amora ma dikonyu, ka apuonjou e lela kendo e uteu.

Tich Joote 20:27

nimar ne ok aluoro hulonu gik moko duto ma Nyasaye dwaro timo.

Tich Joote 20:34

Un uwegi ung’eyo kaka asetiyo gi luetenagi, mi ayudo gik moko mane achando, kod mago mane joma ni koda ochando.

Tich Joote 20:36

Kane Paulo osetieko wuoyo, ne ogoyo chonge piny, molemo kodgi giduto.

Jo-Rumi 15:1

Wan joma nigi yie motegno onego wakony jogo man gi yie mayomyom, ma ok watimo mana gima wan wawegi ema wahero.

1 Jo-Korintho 9:12

Ka jomoko to nigi thuolo mar yudo gigo kuomu, koro wan donge wan gi thuolo moloyo? Kata kamano ok wasekonyore gi thuolono, to wadhil gi chandruok duto, mondo kik watim gimoro ma dimon Wach Maber man kuom Kristo landre.

2 Jo-Korintho 11:12

To abiro dhi nyime ka atimo mana gima atimo sani, mondo kik awe thuolo ni joma dwaro pakore ni gin bende gin joote kaka wan.

2 Jo-Korintho 11:9

Bende kane achando gimoro ka an kodu, to ne ok akwayo ng’ato kuomu mondo okonya, to owete mane oa Makedonia nokelona gik moko duto mane achando. Ne aritora mondo kik achandu, kendo pod abiro ritora mana kamano.

2 Jo-Korintho 12:13

Koro ere yo mane kanyakla mamoko mag jo-Kristo oloyougo, mak mana ni an awuon ema ne ok akwayou mondo ukonya? Ka uneno ni mano en ketho, to ara yieuru ung’wonna kuom kethonano!

2 Jo-Korintho 8:9

Ung’eyo ng’wono mar Ruodhwa Yesu Kristo, ni kata ne en gi mwandu mogundho kamano, to nodoko jachan nikech un, mondo un ubed jomwandu kuom chan mare.

Jo-Efeso 4:28

Ng’ama yande kwalo nyaka we kuelo, mondo ochak tich matek kendo modimbore gi lwete owuon, oyud gima dokonygo wadgi moro modhier.

1 Jo-Thesalonika 4:11

Dwaruru dak e ngima mokue, kendo tiju kende ema urangi, ka utiyo gi luetu mana kaka ne wapuonjou mokwongo.

1 Jo-Thesalonika 5:14

Owetewa, wakwayou ni mondo usiem joma budho abudha nono kayiem, kendo uduog chuny joma luor, bende ukony joma yomyom, kendo uhoru mos gi ji duto.

Jo-Hibrania 13:16

Kik uwe mak utimo timbe ng’wono, kendo poguru giu ni joma chandore, nikech mago e misengni ma Nyasaye morgo.

Jo-Hibrania 13:3

Paruru joma nie jela, mana ka gima un bende otueu kodgi. Joma chandore bende paruru mana ka gima un bende un kodgi.

3 Johana 1:7

nimar ne giwuok gidhi e tich Kristo, ma ok giyie kawo kony moro amora kuom joma ok oyie.