Tich Joote 20:33 - MUMA MALER 2015

³³ Ne ok agombo fedha kata dhahabu kata law ng’ato.

Motingʼo Loko Manyien

³³ Pok agombo fedha kata dhahabu kata law ngʼato.

Tich Joote 20:33 ပူးပေါင်းရင်းမြစ်များ

Kwan 16:15

Kane Musa owinjo wechegigo, mirima mager nomake, mi owacho ni Ruoth Nyasaye niya, “Kik idew ng’ur ma ging’urgono. Pok amayogi kata mana kanyna achiel, bende pok atimo marach ni ng’ato ang’ata kuomgi.”

1 Jo-Korintho 9:12

Ka jomoko to nigi thuolo mar yudo gigo kuomu, koro wan donge wan gi thuolo moloyo? Kata kamano ok wasekonyore gi thuolono, to wadhil gi chandruok duto, mondo kik watim gimoro ma dimon Wach Maber man kuom Kristo landre.

1 Jo-Korintho 9:15

To an, kata obedo ni an gi ratiro mar yudo gik ma kamago, to ok asekonyora kodgi, to bende ok andik wechegi ni mondo ayudgi, nikech diber ka atho, moloyo ka ng’ato oloko gima asungoragoni odoko gima nono.

1 Jo-Korintho 9:18

To koro pokna en ang’o? En mor mar lando Injili ka ok chula gimoro. Tiende ni, ratiro ma an-go mar yudo pok kuom lando Injili, ok akonyrago.

1 Jo-Korintho 9:4

Donge wan gi ratiro mar yudo chiemo kod gik ma wamadho?

2 Jo-Korintho 11:7

Kane alandonu Wach Maber mar Nyasaye, ne ok akwayo chudo moro, to adok piny mondo ating’u malo. Koro kane atimo kamano to ne atimonu marach koso?

2 Jo-Korintho 11:9

Bende kane achando gimoro ka an kodu, to ne ok akwayo ng’ato kuomu mondo okonya, to owete mane oa Makedonia nokelona gik moko duto mane achando. Ne aritora mondo kik achandu, kendo pod abiro ritora mana kamano.

2 Jo-Korintho 7:2

Yawnwauru chunyu. Onge ng’ama wasetimone marach, bende onge ng’ama wasemiyo olal, kata onge ng’ama wasemayo e yor wuond.

1 Jo-Thesalonika 2:5

Ung’eyo maber ni ne ok wakonyre ngang’ gi weche miwuondogo wang’ ji, kendo Nyasaye ong’eyo ni ne waonge gi gombo moro mwapando e chunywa.

1 Petro 5:2

Beduru jokwadh kueth ma Nyasaye osemiyou, kendo ritgiuru gi chuny mamor kaka Nyasaye dwaro, to ok kuom achune. Kik utim kamano mondo uyudie ohala, to timeuru mana nikech uhero.

3 Johana 1:7

nimar ne giwuok gidhi e tich Kristo, ma ok giyie kawo kony moro amora kuom joma ok oyie.