Tich Joote 20:32 - MUMA MALER 2015

³² “To koro aketou e lwet Nyasaye, kendo akwayo mondo wach ng’wonone oritu. En ema onyalo dongou, mi omiu mwandu mokan ni jo-Nyasaye duto.

Motingʼo Loko Manyien

³² “Koro aketou e lwet Nyasaye, kendo kuom wach ngʼwonone, manyalo gerou, kendo manyalo miyo uyud gweth mosekan-nu kaachiel gi jomaler duto.

Tich Joote 20:32 ပူးပေါင်းရင်းမြစ်များ

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

Jeremia 3:19

“Un jo-Israel aseyie kawou ka yawuota, mondo amiu piny maberie moloyo pinje mamoko duto. Ne aparo ni ubiro luonga ni wuonu, kendo ok nuchak uweya.

Jeremia 49:11

Kuom mano onego uwena nyithindu makiye mondo ariti. Mondu mag liete nyalo konyore kuoma.”

Mariko 10:17

Chieng’ moro kane Yesu ochako wuoth, ng’at moro nobiro ire ka ringo, mogoyo chonge piny e nyime, kapenje ni, “Japuonj! In, in ng’ama ber! Ere gima onego atim mondo ayud ngima mochwere?”

Johana 15:3

Un koro osedoko maler nikech wach ma asewachonu.

Johana 17:17

Walgi gichiwreni kuom adiera. Wachni en adiera.

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Tich Joote 14:23

Ne giketo jodongo ni kanyakla duto mag jo-Kristo, kendo kane giselemo, kendo gitueyo chiemo, ne giketogi e lwet Ruoth mane koro giseyie kuome.

Tich Joote 14:26

kendo kane gia kuno, to ne gikwang’ mi gidok Antiokia e piny Kilikia, kuma ne oseketgie e lwet Nyasaye mondo oritgi gi ng’wonone, giti tich mane koro gisetieko.

Tich Joote 14:3

Paulo gi Barnaba nobet kuno kuom ndalo mathoth ka giwuoyo gi chir kuom Ruoth, kendo Ruoth nomiyogi teko mar timo honni kod ranyisi, konyisogo ni wach mane giwacho kuom ng’wonone en adier.

Tich Joote 15:40

Paulo to noyiero Sila, kendo ka ne owete osekwayonigi Nyasaye mondo oguedhgi, nowuok.

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Tich Joote 9:31

Kamano kanyakla mar jo-Kristo manie piny Judea duto gi Galili kod Samaria noyudo kue. Roho Maler nokonyogi, mi gidoko motegno, kendo gimedore, ka giluoro Nyasaye.

Jo-Rumi 8:17

To ka wan nyithind Nyasaye kamano, to wayudo mich ma osesingorenwa bende. Adier, wayudo michgo kaachiel gi Kristo! Chutho, ka wayie neno masira kode, to wanayud duong’ kode bende.

1 Jo-Korintho 1:2

Wandikonu un kanyakla mar joma oyie kuom Nyasaye man Korintho, ma un joma osewal ni Kristo Yesu, mi oluong mondo obed jo-Nyasaye kaachiel gi ji duto kuonde duto maluongo nying Ruodhwa Yesu Kristo, ma Ruodhgi kendo Ruodhwa.

1 Jo-Korintho 6:10

kata jokuo, kata jogombo, kata jomer, kata joma ketho nying ji, kata jomecho, ok noyud gueth mar Loch Nyasaye.

1 Jo-Korintho 6:11

To kamano e kaka moko kuomu ne chalo! To koro osepwodhu kuom richo, kendo owalu ubed jo-Nyasaye, bende osemi ubet e winjruok gi Nyasaye e nying Ruoth Yesu Kristo, kendo kuom teko mar Roho mar Nyasachwa.

1 Jo-Korintho 6:9

Donge ung’eyo ni joketho ok noyud gueth mar Loch Nyasaye? Kik uwuondru, to nyaka ung’e ni jochode kata joma lamo nyiseche manono, kata joma terore, kata chwo materore gi chwo wetegi,

Jo-Efeso 1:14

Roho e singo ma nyiso ni wananwang’ gik ma Nyasaye osesingore ni nomi joge, kendo omiyo wabedo gi adier ni Nyasaye nowar joge chuth, mondo ji opak duong’ne maler.

Jo-Efeso 1:18

Akwayo ni chunyu oyawre mondo ung’e gima ugeno moseluongoue kendo ung’e kaka guethne mosesingore ni nomi joge ogundho,

Jo-Efeso 4:12

Ne otimo kamano mondo omi jo-Nyasaye duto obed joma ong’eyo tich konyo ji, kendo tich gero ringre Kristo,

Jo-Efeso 4:16

kendo ringruok duto ochomore kuome, komakore gi leche duto ma en-go. En ema omiyo fuoni ka fuoni tiyo tichne. Kuom mano ringruok dongo kendo gerore kuom hera.

Jo-Efeso 5:5

nikech ung’eyo ni ng’ama terore kata ma ok ler, kata ma jagombo, ma en ng’ama lamo nyiseche manono, ok noyud gueth mar Loch Kristo gi Nyasaye.

Jo-Kolosai 1:12

Gouru erokamano gi mor ni Wuoro, ma osemiyo ubedo joma owinjore yudo gueth kaachiel gi joge owuon e piny ler.

Jo-Kolosai 2:7

Beduru kumoko kuome, kendo kugeroru kuome, kendo kumedo bedo gi yie motegno, mana kaka ne opuonju, kendo gouru erokamano mogundho.

Jo-Kolosai 3:24

kung’eyo ni Ruoth ema nomiu pok mosesingore ni joge, nimar Kristo e Ruoth mutiyone.

Jo-Hibrania 10:14

Osemiyo joma opwodhi kamano odoko joma long’o chuth nyaka chieng’ kuom misango achiel mane otimono.

Jo-Hibrania 13:9

Puonj moro mayore kendo magalagala kik golu e yo. En gima ber ka chunywa yudo teko kuom ng’wono mar Nyasaye, to ok kuom rito chike mag chiemo michamo, nikech rito chike ma kamago pok okonyoe ng’at moritogi.

Jo-Hibrania 2:11

Jal mapwodho ji, kaachiel gi jogo mipwodho, giduto gin nyithind ng’at achiel. Mano emomiyo oluongogi ni owetene, ma ok wiye okuot,

Jo-Hibrania 9:15

Omiyo Kristo e jal makelo winjruok manyien, mondo jogo mane oluongi oyud mwandu mochwere mane Nyasaye osingore ni gibiro yudo. Mano nyalo timore nikech tho osebetie makelo resruok kuom richo mane otim e ndalo winjruok machon.

Juda 1:1

An Juda, ma misumba Yesu Kristo, kendo ma owadgi Jakobo, ema andikonu baruani un joma Nyasaye ohero kendo ma oseluongo, kendo ma Yesu Kristo rito gi tekone.

Juda 1:20

To un osiepena, meduru mana geroru kuom teko mar Roho Maler.