Tich Joote 20:28 - MUMA MALER 2015

²⁸ To tang’uru, kendo rituru kueth duto ma Roho Maler osemiyou mondo uriti. Beduru jokwath mag kanyakla mar joma oyie kuom Nyasaye mane ong’iewo gi remb Wuode owuon.

Motingʼo Loko Manyien

²⁸ Koro tangʼuru kendo rituru kweth duto ma Roho Maler oketo e lwetu mondo uriti. Beduru jokwath mag Kanisa Nyasaye ma nongʼiewo gi rembe owuon.

Tich Joote 20:28 ပူးပေါင်းရင်းမြစ်များ

Zaburi 74:2

Parie joma ne iyiero chon mondo obed jogi. Gin joma ne iwaro mondo obed ogandani iwuon. Bende parie got Sayun kama ne isedakie.

Ngeche 10:21

Weche ng’at makare konyo ji mang’eny. Joma ofuwo to tho nikech gionge gi rieko.

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Isaya 63:11

Bang’e ne giparo ndalo machon mi gipenjore niya, “Ere Nyasaye mane ogolo joge e aora Nael, ka Musa otelonigi? Adier, ere Jal mane oketo Roho mare kuomgi,

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 13:20

Un jo-Jerusalem, neyeuru! Wasiku biro, koa malo yo nyandwat. Ere oganda mane chalonu gi kweth maber, mane omiu mondo uriti?

Jeremia 3:15

Abiro ketonu jotelo moluora, kendo gibiro ritou gi rieko kod winjruok maber.

Jeremia 31:10

“Un ogendini, winjuru, an Ruoth Nyasaye, mondo uland wachna e pinje man loka nam. An ema ne akeyo jo-Israel, to koro abiro chako chokogi, mi aritgi kaka jakwath rito jambe.

Ezekiel 34:3

Umadho chak, kendo urwako lewni molos gi yie rombe, bende rombe mabeyoe moloyo ema unego uchamo, to rombe ok uriti.

Ezekiel 34:31

“Un joga, un e kueth jamba makwayo, kendo an e Nyasachu. An Ruoth Nyasaye ema awacho kamano.”

Mika 5:4

To wuowino nobi, mi nobed jatend joge, koritogi gi teko kod duong’ moa kuom Ruoth Nyasaye. Joge nodag maber, nikech ji duto manie piny noyie lochne,

Mika 7:14

A Ruoth Nyasaye, rit jogi miseyiero, kaka jakwath kawo luth, kendo kwayogo jambe. Gidak mana kendgi e thim, ka piny momew olworogi koni gi koni. To we mondo gikwa e lege mag Bashan gi mag Gilead, kaka ne gitimo chon.

Zekaria 11:4

Ruoth Nyasaye ma Nyasacha nowachona niya, “Bed jakwadh rombe ma ibiro yang’o,

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Mathayo 2:6

‘In Bethlehem manie piny Judea, ok itin ngang’ e wang’ jotend Juda. Kuomi ema jatelo ma norit joga Israel nowuogie.’ ”

Mariko 13:9

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

Tich Joote 13:2

To kane oyudo gilamo Ruoth, kendo gitueyo chiemo, Roho Maler nowacho nigi niya, “Walnauru Barnaba gi Saulo oti tich ma aseluongogi mondo giti.”

Tich Joote 14:23

Ne giketo jodongo ni kanyakla duto mag jo-Kristo, kendo kane giselemo, kendo gitueyo chiemo, ne giketogi e lwet Ruoth mane koro giseyie kuome.

Tich Joote 20:17

To kane Paulo ni Mileto, nooro wach Efeso, moluongo jodong kanyakla mar jo-Kristo man kuno.

Tich Joote 20:29

Ang’eyo ni ka asea, to ondiegi mangemo nodonj e dieru, kendo ok giniwe kueth ngang’!

Jo-Rumi 16:16

Yogreuru gi mos mar jo-Nyasaye. Kanyakla duto mag joma oyie kuom Kristo omosou.

1 Jo-Korintho 1:2

Wandikonu un kanyakla mar joma oyie kuom Nyasaye man Korintho, ma un joma osewal ni Kristo Yesu, mi oluong mondo obed jo-Nyasaye kaachiel gi ji duto kuonde duto maluongo nying Ruodhwa Yesu Kristo, ma Ruodhgi kendo Ruodhwa.

1 Jo-Korintho 10:32

Kik ubed joma kelo chwanyruok ni jo-Yahudi, kata ni joma ok jo-Yahudi kata ni kanyakla mar joma oyie kuom Nyasaye,

1 Jo-Korintho 11:22

Donge un gi mier munyalo chiemoe? Koso uchayo jo-Nyasaye, momiyo ukuodo wi joma odhier? Uparo ni dawach ang’o kuom wachni? Uparo ni dapaku? Ooyo, ok dapaku!

1 Jo-Korintho 15:9

An ema atinie moloyo kuom joote duto. Ok owinjore luonga ni jaote, nikech nasando kanyakla mar joma oyie kuom Nyasaye.

1 Jo-Korintho 6:20

Ne oseng’iewou, mochulo nengou, omiyo miyeuru duong’ gi ringreu.

Jo-Galatia 1:13

Nyaka bed ni usewinjo kaka timna ne chalo kane pod aluwo dini mar jo-Yahudi. Ung’eyo kaka ne asando kanyakla mar joma oyie kuom Nyasaye malit, katemo matek mondo atiekgi chuth,

Jo-Efeso 1:14

Roho e singo ma nyiso ni wananwang’ gik ma Nyasaye osesingore ni nomi joge, kendo omiyo wabedo gi adier ni Nyasaye nowar joge chuth, mondo ji opak duong’ne maler.

Jo-Efeso 1:7

Nyasaye oseweyonwa richowa, kendo osewarowa nikech tho mar Kristo. Mano kaka mich

Jo-Efeso 4:11

En ema nopogo mich ni ji, koyiero ji moko mondo obed joote, to moko johul wach moa kuom Nyasaye, kendo moko joland Wach Maber, to moko jotend jo-Kristo, to moko jopuonj.

Jo-Filipi 1:1

Wan Paulo gi Timotheo ma wasumb Kristo Yesu, wandikonu un jo Nyasaye duto man Filipi man kuom Kristo Yesu, kaachiel gi jodongu kod jokonygi.

Jo-Kolosai 1:14

mane owarowa, kaweyonwa richowa.

Jo-Kolosai 4:17

Nyisuru Arkipo ni mondo one ni otieko gima ne omiye mondo otim, nikech en tich Ruoth.

1 Timotheo 3:1

En wach madieri ni ka ng’ato dwaro mondo obed jatend kanyaka mar jo-Kristo, to odwaro tich mogen.

1 Timotheo 3:2

Kuom mano jatend kanyakla mar jo-Kristo nyaka bed ng’at ma wach moro marach onge kuome, kendo mokendo dhako achiel kende, bende nyaka obed ng’at moritore, mobidhore, modimbore, mohero rwako welo, kendo ma japuonj molony.

1 Timotheo 3:5

nikech ka ng’ato kia rito dalane owuon, to ere kaka dorit kanyakla mar jo-Nyasaye?

1 Timotheo 4:14

Kik ijwang’ mich mar Roho mane iyudo kane okor wach kuomi e kinde mane jodongo oyieyoe luetgi kuomi.

1 Timotheo 4:16

Tim kinda e wechego, kiritori iwuon, kendo kitimo gik mipuonjo. Kitimo kamano to iniresri iwuon, kendo nires joma winjo weche mipuonjo bende.

1 Timotheo 5:17

Jo-Kristo nyaka kwan jodongo motelo ni kanyakla mar jo-Kristo maber ka joma owinjore yud pok nyadiriyo, to moloyo onego gipar joma keto chunygi kuom tich lando wach, kendo kuom puonjo ji.

Tito 1:7

Jatend kanyakla mar jo-Kristo en jarit tich Nyasaye, omiyo nyaka obed ng’at maonge ketho. Kik obed ng’ama jasunga, kata ma jamrima, kata ma jamer, kata ma ohero goruok, kata ng’ama ohero pesa.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Jo-Hibrania 13:17

Winjuru wach jotendu, kendo timuru gik ma giwacho. Giritou odiechieng’ gotieno ma ok giyue, nikech nyaka ginyis Nyasaye wach kaka gisetiyo. Ka uluorogi, to gibiro tiyo gi mor to ka uchayogi to ginyalo tiyo ka gijur, to mano ok nyal konyou.

1 Petro 2:25

Ne oyudo ulal ka rombe, to koro useduogo ir Jakwadhu, kendo Jarit chunyu.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.