Tich Joote 2:38 - MUMA MALER 2015

³⁸ To Petro nowachonigi niya, “Lokreuru, kendo ng’ato ka ng’ato kuomu nyaka batisi e nying Yesu kristo, mondo richou owenu, eka Nyasaye nomiu Roho Maler.

Motingʼo Loko Manyien

³⁸ Petro nodwokogi niya, “Weuru richo kendo obatisu ngʼato ka ngʼato, e nying Yesu Kristo, mondo owenu richou. Ka mano otimore, to ubiro nwangʼo Roho Maler kaka mich.

Tich Joote 2:38 ပူးပေါင်းရင်းမြစ်များ

Isaya 32:15

nyaka chop roho moa e polo malo lor kuomwa. Eka piny motwo nolokre puothe momew, mi yien mabeyo dongie.

Isaya 59:20

Enobi ka jawar mar Sayun. Ee, nobi mondo ores nyikwa Jakobo moseweyo richogi. Ruoth Nyasaye ema owacho kamano.

Isaya 59:21

To bende Ruoth Nyasaye wacho niya, “Singruok ma abiro timo kodgi e ma: Roho mara man kuomu, kod wechena ma aseketo e dhou, nosik kodu chakre kawuono, nyaka kuom tienge duto mabiro mag nyikwau. An Ruoth Nyasaye ema awacho kamano.”

Ezekiel 39:29

Anapong’ jo-Israel gi Roho mara, mi ok nachak awegi kendo. An Ruoth Nyasaye ema awacho kamano.”

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Mathayo 28:19

omiyo dhiuru ulok ogendini duto jopuonjrena, kubatisogi e nying Wuoro gi Wuowi gi Roho Maler,

Mathayo 3:2

Ne owacho niya, “Lokuru chunyu, nikech Loch Polo chiegni.”

Mathayo 3:6

Ne gihulo richogi, kendo nobatisogi e aora Jordan.

Mathayo 4:17

Chakre kindeno, Yesu nochako lando wach, ka nyiso ji niya, “Lokuru chunyu, nikech Loch Polo chiegni.”

Mariko 1:15

kowacho niya, “Kinde osechopo! Loch Nyasaye chiegni. Lokreuru uwe richou, uyie kuom Wach Maber.”

Mariko 16:16

Ng’ama oyie kendo obatisi, nokwo, to ng’ama ok oyie, bura nolo.

Luka 24:47

mondo wach loko chuny olandi ni ogendini duto, chakre Jerusalem, mondo owenigi richogi e nyinge.

Luka 3:10

Eka ji nopenje ni, “To kara ere gima onego watim?”

Tich Joote 10:43

Jonabi duto nowuoyo kuome, kawacho ni ng’ato ka ng’ato moyie kuome nowene richone nikech en.”

Tich Joote 10:48

Eka nogolo chik ni mondo obatisgi e nying Yesu Kristo. Bang’e ne gikwaye mondo omed bet kodgi kuom ndalo moko.

Tich Joote 13:38

Kuom mano, owetena, unyalo neno uduto ni kuom Yesu ema ilandonue wach mar weyo richo.

Tich Joote 16:15

Eka ne obatise kaachiel gi joode. Bang’ mano noluongowa e ode, kowacho ni, “Ka useneno ni ayie adier kuom Ruoth, to biuru e oda.” Eka nomiyo wadhi e ode.

Tich Joote 17:30

Nyasaye ne ok odewo richo mane ji osebedo ka timo e ndalo mane ok ging’eyo dwarone. To koro osegolo chik ni ji duto kuonde duto, mondo olokre owe richogi,

Tich Joote 20:21

Ne ahulo ni jo-Yahudi kod joma ok jo-Yahudi ratiro ni mondo gilokre giwe richogi giduog ir Nyasaye, kendo giyie kuom Ruodhwa Yesu.

Tich Joote 22:16

To koro ere gima pod irito? A malo obatisi, mondo olwokni richoni, kiluongo nying Ruoth.’

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Tich Joote 26:20

Mokwongo nanyiso joma odak Damaski kendo modak Jerusalem kod joma odak e piny Judea duto, ni nyaka gilokre giwe richogi giduog ir Nyasaye, kendo gitim gik manyiso ni giselokore. Eka ne anyiso joma ok jo-Yahudi bende kamano.

Tich Joote 3:19

Mano omiyo, lokreuru uduog ir Nyasaye mondo richou oruchi,

Tich Joote 5:31

En ema Nyasaye osekete e bade korachwich kaka Jatelo kendo Jawar, mondo omi jo-Israel olokre mondo owenigi richogi.

Tich Joote 8:12

To kane Filipo olandonigi Wach Maber mar Loch Nyasaye, kod nying Yesu Kristo, ne giyie, mi obatisgi, chwo gi mon.

Tich Joote 8:20

To Petro nodwoke ni, “Pesani mondo olal nono kodi, nikech iparo ni inyalo ng’iewo mich mar Nyasaye gi pesa!

Jo-Rumi 6:3

Donge ung’eyo ni kane obatiswa, mi wariwore gi Yesu, to batisono nomiyo wariwore kode e thone?

Jo-Efeso 1:7

Nyasaye oseweyonwa richowa, kendo osewarowa nikech tho mar Kristo. Mano kaka mich

Tito 3:5

nowarowa. Ne ok owarowa nikech tim makare moro amora ma wan wawegi ne wasetimo, to nowarowa mana nikech ng’wonone owuon. Nowarowa gi lwok mane Roho Maler okelonwago nywol manyien kod ngima manyien.

1 Petro 3:21

Pigno en ranyisi mar batiso, ma koro resou sani. Batiso ok en golo chilo kuom ringruok, to en singruok motim ni Nyasaye gi chuny maler. Oresou nikech chier mar Yesu Kristo,