Tich Joote 19:28 - MUMA MALER 2015

²⁸ Kane jogo owinjo wechego, mirima mager nomakogi, kendo ne gigoyo koko niya, “Artemi mar jo-Efeso duong’!”

Motingʼo Loko Manyien

²⁸ Kane giwinjo wachno, mirima nomakogi mi gichako goyo koko kagiwacho niya, “Artemis mar jo-Efeso duongʼ!”

Tich Joote 19:28 ပူးပေါင်းရင်းမြစ်များ

Zaburi 2:2

Ruodhi mag piny gi jotelo hodho wach mondo opiem gi Ruoth Nyasaye kod ruoth moyiero.

Jeremia 50:38

Oro ochopo e pinye, kendo miyo aorene duono. Mago duto otimore nikech Babulon en piny milamoe nyiseche makuero, mabwogo ji, kendo miyo ji fuwo.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Tich Joote 18:19

Ne gichopo Efeso, mi owere gi Priskila kod Akula. Eka nodhi e od lemo, mi owuoyo gi jo-Yahudi kuom Wach Nyasaye.

Tich Joote 19:24

Ng’at moro ma nyinge Dematrio mane jatheth fedha, ne loso kido mag hekalu mar nyasaye madhako miluongo ni Artemi, kendo tichneno ne kelo ni jotich ohala maduong’.

Tich Joote 7:54

Kane jobura owinjo weche Stefanogo, igi nong’ondore, mi gikayo lakgi ka mirima ohewogi kode.

Fweny 12:12

Omiyo, polo kod joma odakie mondo obed mamor! To mano kaka nobednu malit un piny gi nam, nimar Satan oselor obiro iru ka nigi mirima mager nikech ong’eyo ni odongne mana ndalo matin kende.”

Fweny 13:4

To bende ne gilamo thuondno nikech nosemiyo ondiek tekone owuon. Ondiek bende ne gilamo, ka giwacho niya, “Ere ng’ama romo gi ondiek, koso ere ng’ama diked kode?”

Fweny 17:13

To giduto gin gi paro achiel, kendo ginichiw tekogi kod lochgi ni ondiek mondo obed jatendgi.