Tich Joote 19:19 - MUMA MALER 2015

¹⁹ Jomoko kuom joma ne osebedo ka timo timbe ajuoke bende nochoko kitepegi mag thieth kaachiel, mowang’o e nyim ji duto. Ne gikwano nengo kitepe mowang’go duto mi ginwang’o ni oromo siling’ alufu mia abich.

Motingʼo Loko Manyien

¹⁹ Jomoko kuomgi manosebedo katimo timbe jwok nokelo kitepegi mag thieth mi nowangʼ-gi e lela ka ji duto neno. Kane gikwano nengo kitepego duto mane giwangʼo, neginwangʼo ka nengogi oromo silingʼ alufu piero abich.

Tich Joote 19:19 ပူးပေါင်းရင်းမြစ်များ

Chakruok 35:4

Omiyo ne gimiyo Jakobo nyiseche duto mag pinje moko mane gin go, kod stadi mane giketo e itgi, mi noikogi e tiend yath moro machiegni gi Shekem.

1 Weche mag Ndalo 10:13

Kamano Saulo notho nikech noweyo Ruoth Nyasaye. Ne ok orito chik Ruoth Nyasaye, kendo kar penjo Ruoth Nyasaye wach, to nodhi mana ir jonyakalondo mondo onyise wach.

2 Weche mag Ndalo 33:6

Nowang’o yawuote bende ka liswa e holo mar wuod Hinom. Noyie gi jokor wach gi jonyakalondo kod ajuoke. Timbene maricho ne ng’eny e nyim Ruoth Nyasaye, omiyo Ruoth Nyasaye nokecho kode.

Wuok 32:20

Nokawo nyaroya mane ji oselosono mowang’o. Norege, molokore buru, eka nokire e pi, momiyo jo-Israel pigno omodho.

Wuok 7:11

Kane Farao oneno kamano, noluongo ji mariek kod ajuoke, kendo ajuoke mag Misrigo bende notimo mana hono machal kamano gi bindgi.

Wuok 7:22

To bang’e ajuoke mag Misri bende notimo hono mana machal kamano gi bindgi, mi wi Farao nosiko matek kaka chon. Notamore winjo wach Musa gi Harun mana kaka Ruoth Nyasaye nosenyiso,

Isaya 30:22

Bang’e unukaw nyisecheu manono mubawo gi fedha kata gi dhahabu, mi uwiti ka ukwanogi ka gik ma ok ler, kaka tutu kata chieth.

Isaya 8:19

Kamoro dipo ka ji biro wachonu ni mondo udhi upenj wach kuom ajuok nyakalondo kod ajuoke mamoko majajni kendo madhum. To bende ber ka joma ngima penjo joma otho wach adier? Nyasachgi donge ema onego gipenj wach? Ee, ber mondo giwinj mana chik Nyasaye gi wachne!

Daniel 2:2

Kuom mano, noluongo jong’adne rieko gi jothieth gi ajuok nyakalondo kod jokor mondo obi ohulne tiend lekno. Kane gibiro mi gichung’ e nyime,

Tim jo-Lawi 13:52

Nyaka owang’ lawno, kata usino, bed ni en mar yie rombo kata mar katana, kata ka en gima olos gi pien, nikech gima landoreno en gima rach ka dhoho. Mano emomiyo nyaka wang’e gi mach.

Luka 14:33

Kamano bende onge ng’ato kuomu manyalo bedo japuonjrena ka ok oweyo gige duto.

Luka 15:8

“Koso ka dhako moro nigi siling’ apar mamingli, to achiel olalne, donge domok taya, mi oyue ode komanyo maber kuonde duto nyaka oyude?

Tich Joote 13:6

Ne giwuotho e chulano duto, ka gilando Wach Maber, nyaka ne gichopo Pafo, kuma ne ginwang’oe ajuoga moro ma nyinge Bar-Yesu (to dho Yunani luonge ni Eluma.) Ne en ja-Yahudi, kendo ne owuondore ni en janabi.

Tich Joote 13:8

To ajuoga miluongo ni Elumano notamogi, kotemo geng’o ruoth mondo kik yie kuom Yesu.

Tich Joote 19:18

Ji mang’eny kuom joma oyie nobiro, mi ohulo ratiro kendo onyiso timbe mag ajuoke mane osebedo ka gitimo.

Jo-Hibrania 10:34

Ne usandoru kaachiel gi joma ne otue e jela, bende ne uyie mondo oyak giu, kung’eyo ni un gi mwandu maber moloyo, kendo mosiko.