Tich Joote 19:17 - MUMA MALER 2015

¹⁷ Jo-Yahudi kod joma ok jo-Yahudi duto mane odak Efeso nowinjo wachno, mi luoro maduong’ omakogi, kendo nying Ruoth Yesu nomedo yudo duong’.

Motingʼo Loko Manyien

¹⁷ Ka jo-Yahudi gi jo-Yunani mane odak Efeso nowinjo wachno luoro nomakogi, kendo nying Ruoth Yesu noyudo duongʼ.

Tich Joote 19:17 ပူးပေါင်းရင်းမြစ်များ

2 Samuel 6:9

Daudi noluoro Ruoth Nyasaye chieng’no, mowacho niya, “Kara Sanduk mar Ruoth Nyasaye ok onego bed e dalana.”

Zaburi 64:9

kendo nobed maluor. Ginihul gima Nyasaye osetimo, kendo ginipar matut kuom timbene madongo.

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

Luka 1:65

Luoro nomako jogweng’gi duto, kendo wechego nolandore e piny gode mag Judea duto.

Luka 7:16

Ji duto mane ni kanyo nodoko maluor ahinya, kendo ne gimiyo Nyasaye duong’, ka giwacho ni, “Janabi maduong’ osewuok kuomwa,” Kendo ni, “Nyasaye osebiro mondo ores joge!”

Tich Joote 13:12

Kane ruoth oneno gima otimoreno, noyie kuom Yesu, kendo nohum nono kuom puonj Ruoth Yesu.

Tich Joote 18:19

Ne gichopo Efeso, mi owere gi Priskila kod Akula. Eka nodhi e od lemo, mi owuoyo gi jo-Yahudi kuom Wach Nyasaye.

Tich Joote 18:21

mi ogoyonigi oriti, kowachonigi ni, “Nachak aduog iru, ka Nyasaye oyie.” Eka nokwang’ oa Efeso.

Tich Joote 19:1

Kane Apolo ni Korintho, Paulo nowuotho e pinje ma iye, kalando Wach Maber, mi ochopo Efeso, kuma nonwang’oe jopuonjre moko.

Tich Joote 19:16

Eka ng’at man gi jachienno nopor kuomgi, mohewogi giduto, mi ne giringo gia e ode duge, ka gihinyore marach.

Tich Joote 19:18

Ji mang’eny kuom joma oyie nobiro, mi ohulo ratiro kendo onyiso timbe mag ajuoke mane osebedo ka gitimo.

Tich Joote 2:43

Nyasaye nomiyo joote otimo honni kod ranyisi mang’eny, kendo mano nomiyo luoro omako ji duto.

Tich Joote 5:11

Luoro maduong’ nomako ji duto moyie kuom Kristo, kaachiel gi ji duto mane owinjo gima otimore.

Tich Joote 5:13

To onge ng’ato ma ok nie kanyaklagi mane ohedhore chokore kodgi, kata kamano ji ne wuoyo kuomgi maber.

Tich Joote 5:5

Gikanyono mane Anania owinjoe wechego, nogore piny motho. Ji duto mane owinjo wachno, luoro nomako.

Jo-Filipi 1:20

Kamano ageno ahinya ni ok anatim gimoro ma dikuod wiya e yo moro amora, to koro abiro wuoyo gi chir, kaka asetimo kinde duto, mondo gik moko duto ma atimo omi Kristo duong’, kata angima kata atho.

2 Jo-Thesalonika 1:12

Walemo ni mondo nying Ruodhwa Yesu oyud duong’ kuomu, kendo ni mondo un bende uyud duong’ nikech un joge. Nyasachwa kod Ruodhwa Yesu Kristo mondo omi gima kamano otimre kuom ng’wonone.

2 Jo-Thesalonika 3:1

To koro owetewa, lemnwauru mondo Wach Ruoth olandre piyopiyo, kendo oyud duong’ kaka osetimore e kindu.

1 Samuel 6:20

Eka jo-Beth-shemesh nowacho niya, “Onge ng’ama nyalo chung’ e nyim Ruoth Nyasaye, ma Nyasaye malerni! Ere kama dwatere mondo oa kuomwa?”