Tich Joote 18:23 - MUMA MALER 2015

²³ to bang’ bedo kuno kuom ndalo moko noa, mi owuotho e gwenge duto man Galatia gi Frugia, kotego chuny jopuonjre duto.

Motingʼo Loko Manyien

²³ Kane osebedo Antiokia kuom ndalo mogwarore, Paulo nowuok oa kanyo, mi nowuotho e gwenge duto mag piny Galatia gi Frugia, kojiwo jopuonjre duto.

Tich Joote 18:23 ပူးပေါင်းရင်းမြစ်များ

Ezra 1:6

Mi jogweng’gi duto nokonyogi gi fedha gi dhahabu gi jamni gi gik mamoko, kod gik ma nengogi tek, kaachiel gi gik mane ng’ato ka ng’ato ochiwo kuom herone.

Daniel 11:1

En ema ochung’ kaka jakonyna kendo jaritna.

Luka 1:3

Kuom mano kaka an bende asenono wechego duto malong’o nyaka a chakruokgi, aneno ni ber mondo andikni mochanore maler,

Luka 22:32

To in aselemoni mondo yieni kik lal, kendo ka iselokori, miduogo ira, to nyaka ijiw oweteni.”

Luka 22:43

Eka malaika moa e polo nofwenyorene, mi omiye teko.

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Tich Joote 15:32

Juda gi Sila, mane gin johul wach moa kuom Nyasaye, ne jowuoyo gi owete ka gijiwogi gi weche mang’eny, kendo gimiyogi teko.

Tich Joote 15:41

Nowuotho e piny Siria gi piny Kilikia duto, kolando wach maber, kendo otego kanyakla duto mag Kristo.

Tich Joote 16:40

To Paulo gi Sila ne jowuok e jela, mi jodhi e od Ludia, kendo kane gisechokore gi owete kuno mi gitego chunygi, ne giwuok gia.

Tich Joote 16:6

Ne giwuotho e piny Frugia gi piny Galatia, ka gilando Wach Maber. Nikech Roho Maler nokwerogi ni kik giland Wach e piny Asia.

Tich Joote 19:1

Kane Apolo ni Korintho, Paulo nowuotho e pinje ma iye, kalando Wach Maber, mi ochopo Efeso, kuma nonwang’oe jopuonjre moko.

Tich Joote 2:10

gi Furgia gi Pamfulia gi Misri kod gwenge Libya mokiewo gi Kurene, kaachiel gi welo moa Rumi.

1 Jo-Korintho 16:1

To kuom wach solro mitimo ni jo-Nyasaye, un bende timuru kaka nanyiso kanyakala mag jo-Kristo manie piny Galatia mondo otim.

Jo-Galatia 1:9

Kaka ne wawacho chon, e kaka amedo wacho ni, ka ng’ato opuonjou Wach Maber machielo mopogore gi mane uyudo, to Nyasaye mondo okuong’e.

Jo-Galatia 4:14

To kata obedo ni ne atuo kamano, to ne ok uchaya, kendo ne ok udaga, to ne urwaka mana ka gima urwako malaika, kata ka gima urwako Kristo Yesu.

Rapar mar Chik 3:28

Ket Joshua mondo okaw kari. Ijiwe kendo imiye teko, nimar en ema obiro telo ni jogi, koterogi loka cha mondo gikaw piny minenono.’

1 Jo-Thesalonika 3:2

to waornu owadwa Timotheo ma watiyogo tich Nyasaye mar lando Wach Maber mar Kristo, mondo obi ojiwu ubed gi yie motegno,

1 Jo-Thesalonika 4:18

Emomiyo horeuru gi wechegi.

1 Jo-Thesalonika 5:14

Owetewa, wakwayou ni mondo usiem joma budho abudha nono kayiem, kendo uduog chuny joma luor, bende ukony joma yomyom, kendo uhoru mos gi ji duto.