Tich Joote 18:18 - MUMA MALER 2015

¹⁸ Bang’ wechego, Paulo nobet Korintho gi owete kuom ndalo mang’eny, eka nogoyonigi oriti, mi okwang’ odhi Siria ka gin gi Priskila kod Akula. Kane pok gikwang’ gidhi, ne oliel wiye Kenkrea, nikech kuong’ruok moro mane osekuong’orego.

Motingʼo Loko Manyien

¹⁸ Paulo noweyo jowete e dala mar Korintho, kendo nokwangʼ kodhi Siria ka gin kaachiel gi Priskila kod Akula. Kane pok giwuok, ne oliel wi Paulo Kenkrea, nikech singruok moro mane osetimo.

Tich Joote 18:18 ပူးပေါင်းရင်းမြစ်များ

Kwan 6:18

Ja-Nazirno noliel wiye e dho Hemb Romo, kendo nokaw yie wiye ma yande owalno, mi owang’ie mach mitimogo misango mar sawo.

Kwan 6:2

ni mondo onyis jo-Israel niya, “Ng’ato ang’ata ma okuong’ore ni obiro bedo ja-Nazir, tiende ni ng’at mowal ni Ruoth Nyasaye,

Mathayo 4:24

Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.

Mariko 6:46

Kane osegoyonegi oriti, nodhi e got kamoro mondo olem.

Tich Joote 1:15

Chieng’ moro Petro nochung’ mondo olosi e chokruok mar joma oyie kuom Kristo, ma dirom ji mia achiel gi piero ariyo.

Tich Joote 15:23

Ne gitero barua mondik ni, “Wan joote gi oweteu madongo, wamosou uduto un owete ma ok jo-Yahudi modak Antiokia gi Siria kod Kilikia.

Tich Joote 15:41

Nowuotho e piny Siria gi piny Kilikia duto, kolando wach maber, kendo otego kanyakla duto mag Kristo.

Tich Joote 18:2

Kuno nonwang’oe ja-Yahudi moro monywol Ponto, ma nyinge Akula, gi Priskila chiege, mane oyudo joa Italia machiegni, nikech ruoth Klaudio nosegolo chik mondo jo-Yahudi duto oa Rumi. Paulo nodhi irgi,

Tich Joote 18:26

Ne ochako puonjo gi chir e od lemo, to kane Akula gi Priskila jowinje, ne gikawe, mi gitere dala, kendo ne gipuonje Yor Nyasaye maber moloyo.

Tich Joote 18:27

Bang’e Apolo ne dwaro ng’ado nam mondo odhi Akaya, omiyo owete man Efeso nojiwe, kendo ne gindiko ni jopuonjre man kuno mondo orwake. Kane ochopo kuno, ne okonyo joma oyie ahinya kuom ng’wono mar Nyasaye,

Tich Joote 21:23

We wanyisi gima onego itim. Wan gi ji ang’wen kaeri ma osekuong’ore.

Tich Joote 21:24

Dhiyo mondo ipuodhri kaachiel kodgi, kendo ichulnegi nengo mag misengni ma onego gichiw kapok olielgi kaka ranyisi ni gisetieko kuong’ruokgi. Kamano ji duto biro ng’eyo ni gik moko duto ma gisewinjo kuomi ok gin adier, kendo gibiro ng’eyo ni in bende iluwo mana Chik Musa.

Tich Joote 21:3

Kane wachopo kama ne wanyalo nenogo Saipras, ne waweye bat koracham, mi wakwang’ wadhi Siria, eka ne wagowo Turo, kuma ne idhi golie gik mane yie oting’o.

Jo-Rumi 16:1

Apwoyonu nyaminwa Fibi. En jatich e kanyakla mar jo-Kristo man Kenkrea.

1 Jo-Korintho 9:20

Ka an e kind jo-Yahudi, to aluwo tim jo-Yahudi, mondo alok jo-Yahudi. Tiende ni kata obedo ni an, Chik Musa ok omaka, to ka atiyo e kind joma nie bwo Chik, to atimora ka gima Chik omaka, mondo alokgi.

Jo-Galatia 1:21

Bang’e ne adhi e gwenge moko mag Siria gi Kilikia.