Tich Joote 17:28 - MUMA MALER 2015

²⁸ nikech kuome ema wadakie, kendo ema wawuothoe, bende ema wantie, mana kaka jondikou moko nowachoni, ‘Wan bende wan nyithindi.’

Motingʼo Loko Manyien

²⁸ ‘Wangima nikech En, kendo wawuotho nikech En, kendo wantie nikech En.’ En mana kaka jowendu moko osewacho ni, ‘Wan bende wan kothe.’

Tich Joote 17:28 ပူးပေါင်းရင်းမြစ်များ

Ayub 12:10

Nyasaye ema rito ngima gik mochueyo, kendo much ji duto ni e lwete.

Zaburi 36:9

In ema ngima wuok kuomi, kendo ler mari emomiyo waneno ler.

Zaburi 66:9

En ema oseritowa mangima, kendo ok oseweyo wachwanyore mi wapodho.

Jeremia 38:16

Kane ruoth Zedekia owinjo kamano, nosingore ni Jeremia ling’ling’ niya, “Akuong’ora gi nying Ruoth Nyasaye mangima mane ochueyowa ni ok nanegi, kendo ok nachiwi e lwet joma dwaro negi.”

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Luka 20:38

To wang’eyo ni ok en Nyasach joma otho, to en Nyasach joma ngima, nikech e nyim Nyasaye, ji duto ngima.”

Luka 3:38

wuod Enos, wuod Seth, wuod Adam, wuod Nyasaye.

Johana 11:25

Yesu nowachone niya, “An e chier, kendo an e ngima. Ng’ato ang’ata moyie kuoma nodok mangima, kata obedo ni osetho,

Johana 5:26

Kaka Wuoro owuon nigi teko mar miyo ji ngima, e kaka osemiyo Wuowi bende teko mar miyo ji ngima.

Rapar mar Chik 30:20

Heruru Ruoth Nyasaye ma Nyasachu, kuwinjo wachne, kendo kuketo chunyu kuome. Mano nomi ubed mangima, kendo udag aming’a e piny mane osingore ni kwereu ma Ibrahim gi Isaka kod Jakobo.”

Jo-Kolosai 1:17

Kristo ne nitie kane pok ochue gik moko duto, kendo en ema gik moko duto oriwore kuome.

Tito 1:12

Janabi moro ma ja Krete wadgi nowacho niya, “Pile jo-Krete gin jomriambo. Gin ondiegi maricho, kendo jowuoro ma josamuoyo.”

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 12:9

To bende wuonewa mag pinyni ne kumowa, kendo ne wamiyogi luor kaka owinjore. To koro Wuonwa mar chuny dwami luor malich machal nadi mondo wayud ngima!

Jo-Hibrania 2:11

Jal mapwodho ji, kaachiel gi jogo mipwodho, giduto gin nyithind ng’at achiel. Mano emomiyo oluongogi ni owetene, ma ok wiye okuot,

1 Samuel 25:29

Ka ng’ato lawi mondo onegi, to Ruoth Nyasaye ma Nyasachi biro keto ngimani e kanyakla mar joma ngima morito ka mwandu mokan e ndede. To ngima wasiki nowit oko mana kaka kidi midiro gi orujre.