Tich Joote 16:25 - MUMA MALER 2015

²⁵ Kar odiewuor tir, Paulo gi Sila noyudo lemo kendo wer ni Nyasaye, ka joma otwe mamoko to ochiko itgi winjogi.

Motingʼo Loko Manyien

²⁵ To kar odiwuor tir, kane oyudo Paulo gi Sila jolemo kendo pako Nyasaye gi wende, ka joma otwe mamoko winjogi,

Tich Joote 16:25 ပူးပေါင်းရင်းမြစ်များ

Ayub 35:10

To ok giywag ni Nyasaye ma jachwechgi, kendo mamiyogi teko e sa ma masira malich omakogie.

Zaburi 119:55

Apari gotieno, A Ruoth Nyasaye, kendo arito chikni,

Zaburi 119:62

Achiew dier otieno mondo apaki, nikech buche ming’ado ni kare.

Zaburi 22:2

A Nyasacha, aywakni godiechieng’ to ok idwoka. Gotieno bende aywak to ok ayud kue.

Zaburi 34:1

Pile abiro goyo ni Ruoth Nyasaye erokamano, kendo ok nawe pake ndalo duto.

Zaburi 42:8

Ruoth Nyasaye nyiso herane mosiko odiechieng’ kodiechieng’. Anawerne wende pak otieno kotieno. Ee, analam Nyasaye ma miya ngima.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 71:7

Ngimana osebedo ka odhiero ji mang’eny, to in e jaritna maratego.

Zaburi 77:2

E kinde mane anie chandruok to ne alamo Ruoth. Otieno duto ne ating’o bedena malo, ka alemo, to chunya ne ok nyal yudo kue.

Zaburi 77:6

Otieno duto nasiko ka aparo mana kamano. Ne aparo matut, kapenjora niya,

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Isaya 30:29

To un, unuwer wende mor, mana ka wende miwero e otieno mitimoe sawo maler. Unubed mamor e chunyu, mana kaka jolemo bedo mamor e kinde ma jago asili otelonigi ka gidhi e god Ruoth Nyasaye ma en lwanda mar Israel.

Zekaria 3:8

Koro yaye Joshua jadolo maduong’, in kaachiel gi jowadu mobet e nyima ka, chikuru itu. Un duto un ranyisi maber mar gik mabiro. Abiro kelo jatichna miluongo ni Badyath.

Luka 22:44

Chunye nochandore malit ahinya, mi nomedo lemo matek, kendo luya nochotne maton piny mana ka remo.]

Tich Joote 15:22

Bang’ mano, joote kod jodongo, kaachiel gi jo-Kristo duto, noneno ni ber mondo giyier jomoko kuomgi odhi Antiokia gi Paulo kod Barnaba. Kuom mano, ne giyiero Juda miluongo ni Barsaba, kod Sila, mane jotend owete.

Tich Joote 16:19

To kane joma nyakono tiyonigi ofwenyo ni yo ma giyudogo ohala koro orumo, ne gimako Paulo gi Sila, mi giywayo nyaka ir jodongo e laru mar dala.

Tich Joote 16:33

E sanogo gotienono noterogi, mi odhi oluokonigi dendgi kuonde mane oridhore, eka ne obatise kaachiel gi joode duto.

Tich Joote 5:41

Joote noa e od bura kamor ahinya, nimar Nyasaye noseyierogi mondo giyud wichkuot nikech nying Yesu.

Jo-Rumi 12:12

Geno ma un-go mondo omi ubed mamor. Kisandou, to timuru sinani, kendo lemuru mak uweyo.

Jo-Rumi 5:3

To ok mano kende! To wabedo mamor kata mana e masiche mwaneno, nikech wang’eyo ni masira kelo kinda,

2 Jo-Korintho 6:10

Kata obedo ni wan gi kuyo maduong’, to wamor pile, kendo kata obedo ni wan kaka jochan, to wamiyo ji mathoth mwandu. Bende wan kaka joma onge gimoro, to kara wan gi gik moko duto.

Jo-Efeso 5:19

Weruru wende Zaburi, gi wende lemo ka un kaachiel, kendo kuwer kamano, to denduru Ruoth e chunyu.

Jo-Filipi 2:17

Yie maru en misango muchiwo ni Nyasaye, omiyo kata ka obedo ni remba iolo kimedo e misangono, to berna, kendo adwaro mondo uduto ung’e kaka amor.

Jo-Kolosai 1:24

Emomiyo koro amor ka aneno masira nikech un. Mano e kaka ringra chopo gima orem kuom masiche mane Kristo oneno nikech kanyakla mar jo-Kristo ma en ringre.

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.

Jakobo 1:2

Owetena, ka uyudo tem mayoreyore, to kwanreuru ka johawi,

Jakobo 5:13

Ka ng’ato kuomu nigi chandruok, to onego olem. To ka ng’ato nigi mor, to onego ower wende pak.

1 Petro 4:14

Ka iyanyou nikech nying Kristo, to kwanreuru ni un johawi, nikech koro Roho man gi duong’ ma en Roho mar Nyasaye, obedo kuomu.