Tich Joote 16:22 - MUMA MALER 2015

²² Eka ji duto bende nonywakogi gi wach. Jong’ad bura nolonyo lep Paulo gi Sila ayuka, kendo ne gigolo chik mondo ochwadgi.

Motingʼo Loko Manyien

²² Ji mane ni kanyo duto nonywako ni Paulo gi Sila ka gidonjonegi, omiyo jongʼad bura nochiko mondo olony lepgi mondo ochwadgi.

Tich Joote 16:22 ပူးပေါင်းရင်းမြစ်များ

Mathayo 10:17

To beduru motang’ ni ji, nimar ginimaku mi yalu e bura, kendo ginichwadu e utgi mag lemo.

Mathayo 27:26

Eka Pilato nogonyonigi Baraba, kendo kane osegolo chik mochwad Yesu malit, nochiwe mondo ogure e msalaba.

Luka 12:11

Ka omaku, moteru mondo oyalu e nyim jodong ut lemo, kata e nyim ruodhi, kata e nyim jotelo mamoko, to kik uparru kuom weche ma dudwoki, kata kuom gima duwachi,

Tich Joote 16:37

To Paulo nowacho ni askechego niya, “Nyoro gichwadowa e nyim ji, maonge ketho moyudwago, to wan jo-Rumi! Bende nyoro gibolowa e jela, to koro ere gima omiyo gidwaro golowa ling’ling’? Ooyo, gibi abiya mondo gigolwa giwegi.”

Tich Joote 17:5

To nyiego nomako jo-Yahudi, mi gidhi giwako jomoko ma acheje mabayo abaya e wang’ yore, mi ochoko oganda maduong’. Kamano ne gimiyo dala duto otimo koko, kendo ne gimuomore e od ng’at moro ma nyinge Jason, ka gidwaro golo Paulo gi Sila oko ir ji.

Tich Joote 18:12

To kane Galio odoko ruodh Akaya, jo-Yahudi nochokore, mi omwomore kuom Paulo, moter e bura,

Tich Joote 5:40

Ne giluongo joote e nyimgi, mi gichwadogi, kendo gisiemogi mondo kik gichak giland wach e nying Yesu. Eka ne gigonyogi.

2 Jo-Korintho 6:5

e chwat, e twech, e koko, kendo e thagruok, ma ok wanindi kendo ok wachiem.

1 Jo-Thesalonika 2:2

Ung’eyo kaka nosandwa kendo oyanywa malit e dala mar Filipi, kane pok wabiro iru Thesalonika. To kata kamano Nyasaye nomiyowa chir mondo walandnu Injili, kata obedo ni ji mathoth ne mon kodwa kamano.

Jo-Hibrania 11:36

Jomoko ne oyany kendo ochwadi, to jomoko ne otue mi oketi e jela.

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.