Tich Joote 16:19 - MUMA MALER 2015

¹⁹ To kane joma nyakono tiyonigi ofwenyo ni yo ma giyudogo ohala koro orumo, ne gimako Paulo gi Sila, mi giywayo nyaka ir jodongo e laru mar dala.

Motingʼo Loko Manyien

¹⁹ Kane ruodhi mag nyako ma jatichno oneno kaka ohandgi mane giyudogo pesa orumo, negimako Paulo gi Sila mi giywayogi oko nyaka chuny chiro mondo jotelo oyalgi.

Tich Joote 16:19 ပူးပေါင်းရင်းမြစ်များ

Daniel 6:12

mi giduto ne gidhi ir ruoth mondo gidonjne. Ne gipenje niya, “Ruoth, donge ne igolo chik ni, ng’ato ang’ata mokwayo gimoro kuom Nyasaye moro amora kata kuom dhano moro ma ok kuomi, to nyaka wit e bur sibuoche?” Ruoth nodwokogi niya, “Ee, en chik mogurore mana kaka chike moko duto mag jo-Media gi jo-Persia, ma ok nyal loki.”

Mathayo 24:9

“E ndalogo, ginimaku ma giteru mondo okumu kendo onegu, bende ogendini duto nobed mamon kodu nikech un joga.

Mariko 13:9

“Un uwegi nyaka ubed motang’, nimar enomaku mi yalu e bura. Bende nochwadu e ut lemo, kendo unuchung’ e nyim jotelo gi ruodhi nikech an, mondo ulandnigi Injili.

Tich Joote 14:19

Bang’e jo-Yahudi moko nobiro koa Antiokia gi Ikonio e piny Pisidia. Ne gisemo ji, modoknigi, kendo ne gigoyo Paulo gi kite, mi giywaye oko e dala ka gigalo ni osetho.

Tich Joote 14:5

Bang’e joma ok jo-Yahudi, kaachiel gi jo-Yahudi kod jodong dala nopimo wach mondo omonj joote, kendo ogogi gi kite.

Tich Joote 15:22

Bang’ mano, joote kod jodongo, kaachiel gi jo-Kristo duto, noneno ni ber mondo giyier jomoko kuomgi odhi Antiokia gi Paulo kod Barnaba. Kuom mano, ne giyiero Juda miluongo ni Barsaba, kod Sila, mane jotend owete.

Tich Joote 15:26

kendo ma osechiwo ngimagi nikech nying Ruoth Yesu Kristo.

Tich Joote 15:40

Paulo to noyiero Sila, kendo ka ne owete osekwayonigi Nyasaye mondo oguedhgi, nowuok.

Tich Joote 16:16

Chieng’ moro kane oyudo wadhi kar lemo, ne waromo gi nyako moro ma misumba, mane nigi jachien mamiyo okoro wach. Ne okeloni ruodhi mage ohala mang’eny kuom hulo ni ji gik mabiro timorenigi.

Tich Joote 16:20

Ne gikelogi e nyim jong’ad bura ma jo-Rumi, mi giwacho niya, “Jogi gin jo-Yahudi, to gikelo koko e dalawa!

Tich Joote 16:25

Kar odiewuor tir, Paulo gi Sila noyudo lemo kendo wer ni Nyasaye, ka joma otwe mamoko to ochiko itgi winjogi.

Tich Joote 16:29

Eka jarit jela noluongo mondo okelne taya kendo nopodho e tiend Paulo gi Sila kokirni.

Tich Joote 17:6

To kane ok ginwang’ogi, ne giywayo Jason gi owete moko oko, mi gitero ir jodong buch dala, ka gikok ni, “Jogi oseketho piny kuonde duto, kendo koro gisebiro ketho dalawa ka,

Tich Joote 21:30

Wachno nomiyo koko omwoch e Jerusalem duto, kendo ji noringo kaachiel, mi omako Paulo oywayo oko e Hekalu, kendo gi kanyono dhoranga Hekalu nolor.

Tich Joote 8:3

E kindeno Saulo nochako ketho kanyakla mar jo-Kristo, kodhi e ot ka ot, kendo oywayo chwo gi mon oko, otero e jela.

Tich Joote 9:16

An awuon abiro nyise masiche duto ma obiro yudo nikech an.”

2 Jo-Korintho 6:5

e chwat, e twech, e koko, kendo e thagruok, ma ok wanindi kendo ok wachiem.

Jo-Filipi 1:30

Lweny mukedoni en mana lweny achiel mane uneno ka akedo chon, kendo mapod uwinjo ni akedo.

1 Jo-Thesalonika 2:2

Ung’eyo kaka nosandwa kendo oyanywa malit e dala mar Filipi, kane pok wabiro iru Thesalonika. To kata kamano Nyasaye nomiyowa chir mondo walandnu Injili, kata obedo ni ji mathoth ne mon kodwa kamano.

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.

Jakobo 2:6

To un usekuodo wi jachan! To donge jomwandu e joma thagou? Koso donge gin ema giywayou ka giterou e bura?