Tich Joote 16:18 - MUMA MALER 2015

¹⁸ Ne otimo kamano kuom ndalo mang’eny nyaka chop Paulo nosin, mi owichore owacho ni jachiendno ni, “Awachoni e nying Yesu Kristo ni wuog oko kuom nyakoni!” Eka jachien nowuok kuom nyakono mana gi sano.

Motingʼo Loko Manyien

¹⁸ Notimo kamano kuom ndalo mogwarore, to achien Paulo nosin kode, mi nolokore ochiko jachiendno niya, “Achiki e nying Yesu Kristo ni aa kuome!” Jachiendno noa kuom nyakono mana gisano.

Tich Joote 16:18 ပူးပေါင်းရင်းမြစ်များ

Mathayo 14:24

To yie koro ne ni e chuny nam, ka apaka thage malich, nikech yamo ne ogeng’one.

Mariko 1:34

Yesu nochango ji mang’eny man gi tuoche mopogore opogore, kendo nogolo jochiende mathoth kuom ji. To ne ok oyie ni jochiende mondo owach gimoro, nikech gin ne ging’eyo ni en ng’a.

Mariko 16:17

Ranyisi ma joma oyie nobedgo e magi: Ginigol jochiende e nyinga, kendo ginidhum gi dhok mawendo,

Luka 9:1

Yesu noluongo jopuonjrene apar gariyo kaachiel, mi omiyogi teko mar golo jochiende duto, kod mar chango tuoche duto.

Tich Joote 3:6

Eka Petro nowachone niya, “Aonge gi pesa kata matin, to gima an-go abiro miyi. E nying Yesu Kristo ja-Nazareth, chung’ iwuothi!”

Tich Joote 9:34

Petro nowachone niya, “Ainea, Yesu Kristo ema changi! A malo, iban pieni!” Gikanyono Ainea noa malo.

Jo-Kolosai 2:15

To bende e msalabano ema ne Kristo omayoe joloch kod joteko teko duto mane gin go, kendo koselocho to nomiyogi wichkuot, kosembogi e lela ka wasumbe mondo ji onegi.