Tich Joote 15:41 - MUMA MALER 2015

⁴¹ Nowuotho e piny Siria gi piny Kilikia duto, kolando wach maber, kendo otego kanyakla duto mag Kristo.

Motingʼo Loko Manyien

⁴¹ Nowuotho e piny Siria gi Kilikia kojiwo kanisni.

Tich Joote 15:41 ပူးပေါင်းရင်းမြစ်များ

Mathayo 4:24

Humbe nolak e piny Siria duto, omiyo ji nokelone joma nigi tuoche mopogore opogore, gi joma rem ohingo, kaka joma nigi jochiende gi jondulme kod joathany, mi nochangogi duto.

Tich Joote 15:23

Ne gitero barua mondik ni, “Wan joote gi oweteu madongo, wamosou uduto un owete ma ok jo-Yahudi modak Antiokia gi Siria kod Kilikia.

Tich Joote 15:32

Juda gi Sila, mane gin johul wach moa kuom Nyasaye, ne jowuoyo gi owete ka gijiwogi gi weche mang’eny, kendo gimiyogi teko.

Tich Joote 18:18

Bang’ wechego, Paulo nobet Korintho gi owete kuom ndalo mang’eny, eka nogoyonigi oriti, mi okwang’ odhi Siria ka gin gi Priskila kod Akula. Kane pok gikwang’ gidhi, ne oliel wiye Kenkrea, nikech kuong’ruok moro mane osekuong’orego.

Tich Joote 21:3

Kane wachopo kama ne wanyalo nenogo Saipras, ne waweye bat koracham, mi wakwang’ wadhi Siria, eka ne wagowo Turo, kuma ne idhi golie gik mane yie oting’o.

Tich Joote 6:9

To jomoko mane lemo e od lemo moro miluongo ni Od Lemo mar Wasumbni Mogony, ne ok oyie kode. Ne gin jo-Yahudi moa Kurene gi Aleksandria gi Kilikia kod Asia. Ne gibiro, mi gigoyo mbaka kod Stefano.

Jo-Galatia 1:21

Bang’e ne adhi e gwenge moko mag Siria gi Kilikia.