Tich Joote 15:19 - MUMA MALER 2015

¹⁹ Eka Jakobo nomedo wacho ni, “An aneno ni ok onego wachand joma ok jo-Yahudi ma olokore oyie kuom Nyasaye gi chike moko matindotindo.

Motingʼo Loko Manyien

¹⁹ “Kuom mano bucha wacho ni ok owinjore waket chik matek ni joma ok jo-Yahudi makoro olokore oyie kuom Nyasaye.

Tich Joote 15:19 ပူးပေါင်းရင်းမြစ်များ

Isaya 55:7

Joma timbegi mono mondo owe timbegi maricho kod paro mochido. Onego giduog ir Ruoth Nyasaye mondo okechgi. Adier, onego giduogi ir Nyasachwa, nimar nong’wonnigi richogi duto.

Hosea 14:2

Duoguru ir Ruoth Nyasaye, kendo kar kelone chiwo, to lameuru kama: “Wenwa richowa duto, kendo yie lemowa, mi wanapaki kaka wasesingore.

Tich Joote 15:10

Koro ere gima omiyo udwaro temo Nyasaye, kumiyo jopuonjre ting’ mapek mane kwerewa ok nyal ting’o, kata ma wan bende ok wanyal ting’o?

Tich Joote 15:24

Wasewinjo kaka jomoko moa kuomwa osechandou gi weche mathago chunyu, to wan ne ok waorogi.

Tich Joote 15:28

En dwaro mar Roho Maler kod dwaro marwa ni mondo kik waket ting’ moro mapek kuomu mak mana chike moko mowinjore, ema onego uluw.

Tich Joote 21:21

To osenyisgi ni in isebedo kipuonjo jo-Yahudi duto modak e pinje mamoko mondo owe Chik Musa, kinyisogi mondo kik giter nyithindgi nyangu, kendo kik giluw tim kwerewa.

Tich Joote 21:25

To kuom wach joma ok jo-Yahudi, wasendikonigi barua ma wanyisogigo ni waseneno ni mondo kik gicham chiemo ma otimgo misango ni nyiseche manono, kata kik gicham remo kata gimoro mode. Bende kik giterre.”

Tich Joote 26:20

Mokwongo nanyiso joma odak Damaski kendo modak Jerusalem kod joma odak e piny Judea duto, ni nyaka gilokre giwe richogi giduog ir Nyasaye, kendo gitim gik manyiso ni giselokore. Eka ne anyiso joma ok jo-Yahudi bende kamano.

Jo-Galatia 2:4

To mak mana jomoko mane obiro kanyo kawuondore ni gin owete, ema ne dwaro ni mondo otere nyangu. Jogo ne obiro ling’ling’ mondo ocher ane ni thuolo manade ma wan-go kuom bedo jo-Kristo, nikech ne gidwaro lokowa wasumbni.

1 Jo-Thesalonika 1:9

nikech jogo duto wacho giwegi kaka ne urwakowa kane walimou, kendo kaka ne ulokoru uweyo nyiseche manono mondo uti ni Nyasaye maradier kendo mangima.