Tich Joote 14:22 - MUMA MALER 2015

²² Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Motingʼo Loko Manyien

²² ka gitego chuny jopuonjre kendo gijiwogi mondo gisiki e yie. Negipuonjogi kagiwacho niya, “Wan duto nyaka wane sand mathoth eka wadonji e pinyruoth Nyasaye.”

Tich Joote 14:22 ပူးပေါင်းရင်းမြစ်များ

Isaya 35:3

Teguru bede mayomyom, kendo rieuru chong monyosore,

Mathayo 10:38

Ng’at ma ok okawo msalape, kendo oluwa, to ok oromo bedo ng’ata.

Mathayo 16:24

Bang’ mano, Yesu nowacho ni jopuonjrene niya, “Ka ng’ato dwaro luwa, to nyaka okwerre owuon, mi okaw msalape, kendo oluwa,

Mathayo 19:24

To bende awachonu ni, yot ni ngamia kadho e wang’ sandan moloyo jamoko donjo e Piny Ruodh Nyasaye.”

Mariko 10:30

to noyud mier, gi owete, gi nyimine, gi mine, gi nyithindo kod lowo nyadi mia achiel e piny ka, kaachiel gi sand bende, kendo enoyud ngima mochwere e piny mabiro.

Mariko 9:47

Kata ka wang’i ema miyo itimo richo, to gole oko nimar ber donjo e Piny Ruoth Nyasaye ka in gi wang’ achiel, moloyo witi e mach mak rum ka in gi wengeni duto.

Luka 24:26

Donge ne owinjore ni nyaka Mesia ne masichegi kapok oyudo duong’ne maler koso?”

Johana 15:18

“Ka piny mon kodu, to nyaka ung’e ni nomon koda chon, kane pok omon kodu.

Johana 15:20

Paruru gima nawachonu ni, ‘Misumba ok duong’ moloyo ruodhe.’ Ka an ema gisanda, to un bende nyaka gisandu, to ka girito wachna, to wachu bende giniriti.

Johana 16:33

Asenyisou wechegi duto mondo kubedo kuoma, to uyud kue. Unune malit e piny, to beduru modhil, nimar an aseloyo piny!”

Johana 3:5

To Yesu nodwoke niya, “Adier, adier awachoni ni, ka ng’ato ok onywol gi pi kendo gi Roho, to ok onyal donjo e Piny Ruoth Nyasaye.

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Tich Joote 11:26

to kane osenwang’e nokele Antiokia. Kuom higa ngima ji ariyogo nochokore gi jo-Kristo.

Tich Joote 11:29

Eka jopuonjre noyie ni ng’ato ka ng’ato kuomgi nyaka chiw gik moko kaka onyalo, mondo okow ni owete modak Judea, okonyrego.

Tich Joote 13:43

Bang’ chokruokno, jo-Yahudi mang’eny kod jomoko mathoth moluoro Nyasaye mane oselokore luwo kit lemo mar jo-Yahudi, nodhi gi Paulo gi Barnaba. Ji ariyogo nopuonjogi, kajiwogi mondo gisik mana kuom ng’wono mar Nyasaye.

Tich Joote 14:20

To kane jopuonjre obiro mochung’ kolwore, noa malo modok e dala. Kinyne Paulo gi Barnaba nodhi Derbe,

Tich Joote 14:28

Bang’e ne gidak kuno aming’a gi jopuonjre.

Tich Joote 15:32

Juda gi Sila, mane gin johul wach moa kuom Nyasaye, ne jowuoyo gi owete ka gijiwogi gi weche mang’eny, kendo gimiyogi teko.

Tich Joote 15:41

Nowuotho e piny Siria gi piny Kilikia duto, kolando wach maber, kendo otego kanyakla duto mag Kristo.

Tich Joote 18:23

to bang’ bedo kuno kuom ndalo moko noa, mi owuotho e gwenge duto man Galatia gi Frugia, kotego chuny jopuonjre duto.

Tich Joote 6:7

Kamano Wach Nyasaye nolandore, kendo kwan jopuonjre nomedore ahinya e Jerusalem. Jodolo mang’eny bende noyie kuom Yesu.

Tich Joote 9:16

An awuon abiro nyise masiche duto ma obiro yudo nikech an.”

Jo-Rumi 8:17

To ka wan nyithind Nyasaye kamano, to wayudo mich ma osesingorenwa bende. Adier, wayudo michgo kaachiel gi Kristo! Chutho, ka wayie neno masira kode, to wanayud duong’ kode bende.

1 Jo-Korintho 1:8

Bende enomi ubed motegno nyaka giko, mondo kik ubed gi bura chieng’ ma Ruodhwa Yesu Kristo biroe.

Jo-Filipi 1:29

Nyasaye onyisou ni oherou, ok mana nikech osemiyo uyie kuom Kristo kende, to nikech osemiyo uneno masira bende nikech en.

Jo-Kolosai 1:23

To nyaka usik e yie ma un-gono ka uchung’ motegno e mise, ma ok uyiengni uweyo geno mane ubedogo kane uwinjo Injili. En e Wach Maber ma oselandi ni chuech duto e piny ngima, kendo an Paulo ne oketa mondo abed jatich wach maberno.

1 Jo-Thesalonika 3:13

Ruoth mondo oteg chunyu ubed joma onge bura, ka ubedo maler e nyim Nyasaye Wuonwa, chieng’ ma Ruodhwa Yesu biroe kod joge duto.

2 Timotheo 1:8

Omiyo kik wiyi kuodi kod nyiso ji wach Ruodhwa, kata kik wiyi kuod koda, an ng’ate motue. To kuom teko mar Nyasaye, yie mondo ine masiche kodwa nikech Injili.

2 Timotheo 3:12

Chutho, ji duto madwaro doko joma oluoro Nyasaye kodembore kuom Kristo Yesu to nyaka yud sand.

1 Petro 2:21

Mano e gima Nyasaye noluongou mondo utim, nimar Kristo owuon bende nosandore nikech un, mi oweyonu ranyisi mondo uluw timne.,

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

1 Petro 5:9

Chung’uru motegno kuom yie ma un-go, mondo utame, ka ung’eyo ni oweteu moyie manie piny duto, bende yudo chandruok ma kamago.

2 Petro 1:11

Kamano nomiu thuolo maduong’ mar donjo e piny mochwere mar Ruodhwa kendo Jawarwa Yesu Kristo.

Juda 1:3

Osiepena, ne agombo ahinya mondo andiknu kuom warruok ma waduto wan-go, to koro aneno ni nyaka andiknu, kajiwou mondo umed kedo matek ni wach yie ma Nyasaye osemiyo joge dichiel kendo mogik.

Fweny 1:9

An owadu Johana, an e achiel kodu e sand gi loch kod kinda ma wan-go kuom Kristo Yesu. Ne oketa e chula miluongo ni Patmo nikech nalando wach Nyasaye, kendo awuoyo kuom Yesu e lela.

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.