Tich Joote 14:17 - MUMA MALER 2015

¹⁷ To kata kamano timbe mabeyo mane osebedo kotimo ema nyisou kite kaka chal, nikech okelonu koth moa e polo kendo omiyo chambu chiek e kinde mowinjore. Kamano omiyou chiemo, kendo opong’o chunyu gi mor.”

Motingʼo Loko Manyien

¹⁷ To kata kamano, ok oseweyowa maonge yo ma dwangʼeyego. Osenyisou ngʼwonone komiyou koth moa e polo, kendo komiyo cham chieknu e kinde mowinjore; osebedo komiyou chiemo mathoth kendo opongʼo chunyu gi mor.”

Tich Joote 14:17 ပူးပေါင်းရင်းမြစ်များ

1 Ruodhi 18:1

Bang’ ndalo mang’eny, ka oro osebetie kuom higni adek, wach Ruoth Nyasaye nobiro ni Elija niya, “Wuogi mondo Ahab oneni nikech abiro kelo koth e piny.”

Nehemia 9:25

Jo-Israel nokawo mier mochiel motegno gi puothe mag mzabibu gi yiend zeituni kod yiend olembe mamoko mang’eny. Kamano ne gichiemo mi giyieng’ kendo ne gidoko machwe, mi gibedo mamor nikech ber mane itimonigi.

Ayub 36:31

Mano e kaka opidho ji, komiyogi chiemo mogundho.

Ayub 37:6

Ochiko pe mondo ogo piny, kendo okelo koth machue maduong’.

Ayub 5:10

Okelo koth e piny, kendo omiyo puothe bedo mang’ich.

Zaburi 145:9

Otimo maber ni ji duto, kendo okecho gik moko duto mane ochueyo.

Zaburi 4:7

Mor ma imiya duong’ moloyo ma joma nigi cham kod divai mang’eny nigo.

Zaburi 52:1

In ng’ama ratego, ang’o momiyo isungori nikech richoni? Hera mar Nyasaye osiko pile nyaka chieng’.

Isaya 22:13

To kar timo kamano, to unutug atuga kumetho, kendo kuyang’o dhok gi rombe uchamo, ka uwacho niya, “Wachiemuru kendo wamethuru, nikech kiny wanatho.”

Isaya 40:21

Donge ung’eyo, koso pok uwinjo,

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Jeremia 5:24

Ne ok uwacho e chunyu niya, ‘Ber waluor Ruoth Nyasachwa, ma miyowa kodh chwiri gi kodh opon e kinde mowinjore, kendo ma miyowa kinde mwakeyoe higa ka higa.’

Ezekiel 34:26

“Anaguedhgi kendo anawe gidag e alwora mar goda maler, kakelonigi koth e kinde mowinjore.

Joel 2:23

Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Tim jo-Lawi 26:4

to anakelnu koth e kinde mowinjore, mi pinyu nochieg cham kendo yiendu nonyag olembe.

Mathayo 5:45

mondo ubed nyithind Wuonu mae polo, mamiyo chieng’e wuok ni joma richo kod joma beyo. Kodhe bende omiyo chue ni joma timbegi kare, kendo ni joma timbegi richo.

Luka 6:35

To un nyaka uher wasiku, kendo utimnigi maber, bende nyaka uhol giu ka ok ugeno ni didwoknugi. Eka unuyud pod maduong’ kendo unubed nyithind Ngama Duong’ Moloyo. En ong’won ni joma ok gone erokamano, bende ong’won ni joricho.

Tich Joote 14:18

To kata obedo ni Paulo nosewuoyo kodgi kamano, to ne pod gidwaro mana timonigi misango.

Tich Joote 17:26

“Nochueyo ng’at achiel, mi omiyo ogendini duto owuok kuome. En owuon ema noseketonigi ndalo mag loch, kod tong’ pinje ma gidakie.

Rapar mar Chik 11:14

to enokelnu koth e ndalo chwiri gi ndalo opon, mondo uyud cham gi mzabibu kod mo.

Rapar mar Chik 28:12

Ruoth Nyasaye biro golo koth e polo kar kenone, mondo ochwenu e ndalo mowinjore, kendo obiro guedho gik moko duto mutimo. Ogendini mang’eny biro holo gik moko kuomu, to un ok nuhol kuomgi.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.