Tich Joote 14:11 - MUMA MALER 2015

¹¹ Ka ne oganda oneno gima Paulo otimo, ne gikok gi dho Lukaonia niya, “Nyiseche osekawo kit ji mi olor irwa e piny ka!”

Motingʼo Loko Manyien

¹¹ Kane oganda mane ni kanyo oneno gima Paulo otimo, ne gikok gi dho jo-Lukaonia niya, “Nyiseche osekawo kit dhano mi obiro irwa ka!”

Tich Joote 14:11 ပူးပေါင်းရင်းမြစ်များ

Ezekiel 3:5

Ok aori ir oganda mawacho dhok matek ma ok ing’eyo, to aori mana ir jo-Israel ma jou.

Tich Joote 12:22

To ji duto nowacho matek niya, “Mano dwond Nyasaye, ok mar dhano!”

Tich Joote 14:12

Eka ne gichako Barnaba ni Zeu, to Paulo ne gichako ni Herme, nikech en ema ne olando wach moloyo.

Tich Joote 14:6

To joote nofwenyo gima timore, omiyo ne giringo gidhi Lustra gi Derbe, miech Lukaonia, kod gweng’ mokiewo kodgi.

Tich Joote 28:6

Ne gigalo ni dende dikuodi, kata ni dogore piny otho. To kane giserito aming’a, mi ok gineno gimoro marach katimorene, ne giloko parogi, mi giwacho niya, “Nyaka bed ni en nyasaye moro!”

Tich Joote 8:10

Ji duto mae dalano, joma tindo gi joma dongo, noyie kode gi chuny achiel. Ne giwacho ni, “Jali e teko Nyasaye miluongo ni ‘Teko Maduong’’!”