Tich Joote 13:48 - MUMA MALER 2015

⁴⁸ Kane joma ok jo-Yahudi owinjo wachno, ne gidoko mamor, mi gimiyo Wach Nyasaye duong’, kendo ji duto mane Nyasaye oseyiero mondo oyud ngima ma nyaka chieng’ noyie kuom Yesu.

Motingʼo Loko Manyien

⁴⁸ Kane joma ok jo-Yahudi owinjo wachno, negimor kendo negirwako wach Ruoth Nyasaye, kendo joma nochan-negi yudo ngima mochwere noyie kuom Yesu.

Tich Joote 13:48 ပူးပေါင်းရင်းမြစ်များ

Zaburi 138:2

Akulora piny kachomo Hekalu mari maler, kapako nyingi nikech herani mosiko kod adierani, kendo nikech iseyaro singruokni, modoko malach ka polo.

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Mathayo 28:16

Jopuonjre apar gachiel nodhi, Galili e got mane Yesu owachonigi ni mondo gidhiye.

Luka 7:8

Ang’eyo kamano, nikech an bende an ng’at michiko, to an awuon bende an gi askeche ma achiko. Ka awacho ni moro ni, ‘Dhiyo’, to odhi, kendo ka awacho ni machielo ni, ‘Bi’, to obiro. Jatichna bende ka awachone ni, ‘Tim kama’, to otimo”

Johana 10:16

To bende an gi rombe moko ma ok ni e duondni. Gin bende nyaka akelgi, kendo giniwinj duonda, eka rombe duto nobed kueth achiel man gi jakwath achiel.

Johana 11:52

To ne ok okoro ni Yesu biro tho mana ne jo-Yahudi kende, to ni obiro tho mondo ochok nyithind Nyasaye obed e kanyakla achiel.

Tich Joote 13:12

Kane ruoth oneno gima otimoreno, noyie kuom Yesu, kendo nohum nono kuom puonj Ruoth Yesu.

Tich Joote 13:42

Kane Paulo gi Barnaba jowuok e od lemo, ji nokwayogi mondo giduog chieng’ Sabato mabiro, gimed puonjogi wechego.

Tich Joote 15:2

To Paulo gi Barnaba nodhaw kodgi matek kakwerogi, omiyo owete noneno ni mondo ji ariyogo kaachiel gi jomoko odhi Jerusalem owuo gi joote kod jodong jo-Kristo kuom wachno.

Tich Joote 15:31

Kane gisesome, ne gidoko mamor ahinya giduto kuom jip mane giyudo.

Tich Joote 2:41

Kamano, joma ne oyie gi wachne ne obatisi, mi chieng’no ji alufu adek nomedre e kanyakla margi.

Tich Joote 2:47

ka gipako Nyasaye, kendo ka ji duto mor kodgi. To odiechieng’, Ruoth ne medonigi joma owar e kanyaklagi.

Tich Joote 20:13

Wan to ne watelo wadhi e yie, mi wakwang’ nyaka Asos, kuma ne wadhi kawoe Paulo kaka nosenyisowa, nikech en nodwaro wuotho kolworo oko gi tiende.

Tich Joote 22:10

Ne apenjo niya, ‘Ere gima datim, Ruoth?’ Eka Ruoth nowachona ni, ‘A malo idhi Damaski, kuma ibiro nyisie gik moko duto ma aseyieri mondo itim.’

Tich Joote 28:23

Kuom mano ne giwinjore gi Paulo ni onego giduog chieng’ machielo, kendo chieng’no ne gibiro mang’eny kama odakie. Ne owuoyonigi chakre okinyi nyaka odhiambo, konyisogi malong’o wach Loch Nyasaye. Bende notemo lokogi mondo giyie kuon Yesu, kogolo weche e Chik Musa, kendo e kitepe mag Jonabi.

Tich Joote 8:8

mi mor maduong’ nobet e dalano.

Jo-Rumi 11:7

To koro nadi? Waneno ni gima jo-Israel osebedo ka dwaro, pok giyudo, to joma nok kuomgi mane oyier ema oseyude. Jomoko duto to ne omi chunygi odoko matek mondo kik winj gima Nyasaye dwaro,

Jo-Rumi 13:1

Ng’ato ka ng’ato nyaka winj wach joma nigi teko mar loch, nimar teko duto wuok mana kuom Nyasaye, kendo joma nigi tekogo, Nyasaye ema oketo.

Jo-Rumi 8:28

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

1 Jo-Korintho 16:15

Owetena, donge ung’eyo Stefano kod joodgi? Gin e joma okwongo doko jo-Kristo e piny Akaya, kendo gisechiwore mondo giti ni jo-Nyasaye.

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.

Jo-Efeso 1:19

bende mondo ung’e teko maduong’ matiyo kuomwa, wan joma oyie kuome. Mano e teko maduong’

Jo-Efeso 1:4

Kuom herane, noyierowa kuom Kristo kapok ochue piny, mondo wabed maler kendo maonge mbala e nyime.

Jo-Efeso 1:5

Nowalowa chon mondo wadok yawuote kuom Yesu Kristo, nikech mano e kaka ne odwaro, kendo omorgo.

2 Jo-Thesalonika 3:1

To koro owetewa, lemnwauru mondo Wach Ruoth olandre piyopiyo, kendo oyud duong’ kaka osetimore e kindu.