Tich Joote 13:40 - MUMA MALER 2015

⁴⁰ Emomiyo, tang’uru mondo kik masiche mane jonabi okoro timrenu. Jonabi nosekoro niya,

Motingʼo Loko Manyien

⁴⁰ Omiyo tangʼuru, mondo gik mane jonabi okoro kik timrenu. Ne gikoro niya:

Tich Joote 13:40 ပူးပေါင်းရင်းမြစ်များ

Isaya 29:14

Emomiyo anachak abwog jogi kendo, ka atimo gik malich ma miyo giwuoro. Rieko mar jogi mariek nolal nono, kendo paro matut mar jogi mang’ado rieko, norum.”

Ezekiel 33:9

To ka isiemo ng’at marach, to ok oweyo timbene maricho, to enotho kapod en jaricho, to in isereso ngimani.”

Habakuk 1:5

Ruoth Nyasaye ne odwoka niya, “Winjuru un joma andhokegi! Gimoro biro timore ma ubiro wuoro kendo biru bwogou, nimar abiro timo gimoro e ndalou, ma ok unuyie kinyisou.

Malaki 3:2

To chieng’ mobiroeno, ere ng’ama nosir? Koso chieng’ ma othinyoree, ere ng’ama noting’ wiye? Enochal gi mach malenyo mula mondo obed maler, kendo enochal sabun ma luoko maler.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Luka 24:44

Nowacho nigi niya, “Magi e gik mane awachonu kapod an kodu, kane anyisou ni gik moko duto mondik kuoma e Chik Musa gi Kitepe Jonabi kod Zaburi nyaka timre.”

Johana 6:45

Ondik e Kitap jonabi ni, ‘Nyasaye nopuonj ji duto.’ Omiyo ng’ato ka ng’ato ma owinjo dwond Wuoro mi opuonjore kuome, to biro mana ira.

Tich Joote 15:15

Weche mane jonabi okoro bende oyie gi wachno, mana kaka Muma wacho niya,

Tich Joote 7:42

To Nyasaye nojwang’ogi, moweyogi mondo gilam sulue mae polo, kaka ondiki e kitap jonabi ni, ‘Apenjou, un jo-Israel, bende an ema nukelona chiwo, kendo utimona misengni kuom higni piero ang’wen mane utieko e thimgo duto?

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?

Jo-Hibrania 2:3

Wan to dwatony nade, ka wajwang’o warruok maduong’ makama? Ruoth Yesu owuon ema nokwongo nyiso ji wach warruokno, eka joma nowinjo wachno nonyisowa ni en adier.

Jo-Hibrania 3:12

Owetena, beduru motang’ mondo kik ng’ato kuomu bed gi chuny marach matamore yie, mamiyo oweyo Nyasaye mangima.