Tich Joote 13:32 - MUMA MALER 2015

³² To wan, wan kaeri mondo walandnu Wach Maber, ni, kuom chiero Yesu,

Motingʼo Loko Manyien

³² “Injili ma wanyisou ema: Gima Nyasaye nosingo ne kwerewa

Tich Joote 13:32 ပူးပေါင်းရင်းမြစ်များ

Chakruok 12:3

“Anaguedh jogo ma guedhi, to nakuong’ jogo ma kuong’i, kendo ogendini duto mae piny nokwaya mondo aguedhgi kaka aseguedhi.”

Chakruok 22:18

kendo ogendini duto mae piny nokwaya mondo aguedhgi kaka aseguedho nyikwayi. Magi duto notimre nikech iserito chikna.”

Chakruok 26:4

Anami nyikwayi bedo mang’eny ka sulwe mae polo, kendo anamigi pinyni duto, mi ogendini duto nokwaya mondo agwedhgi kaka aseguedho nyikwayi.

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Isaya 11:1

Bang’e nyakwar Jesse moro nowuogi, mana ka bad yath maloth.

Isaya 40:9

In mikelo ni Sayun wach maber, idh wi got mabor, kendo ikogi matek. Ee, in mikelo ni Jerusalem wach maber, ting’ dwondi, ikogi matek ka ok iluor, kiwacho ni miech Juda niya, “Eri, Nyasachu ni ka.”

Isaya 41:27

Ne asenyiso jo-Sayun chon ni, “Ero gibiro,” kendo ne aoro ni Jerusalem jaote materonigi wach maber.

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 23:5

“Ndalo biro ma nayierie nyakwar Daudi hie mondo obed ruoth. Enorit piny gi rieko, kotimo gik ma owinjore kendo makare e piny.

Ezekiel 34:23

Anamigi jakwath achiel, ma en jatichna Daudi, kendo enoritgi maber.

Mika 5:2

Bethlehem Efratha, in e dala matinie moloyo miech Juda duto. To kuomi ema jatend Israel biro wuokie, ma anywolane nitie nyaka nene.

Hagai 2:7

Bende anayieng ogendini duto, mi mwandugi duto nobi ka, mi anapong’ Hekalu gi duong’ maler. An Ruoth Nyasaye ema awacho kamano.

Zekaria 13:1

Ruoth Nyasaye Manyalo Gik Moko Duto wacho niya, “Ka ndalogo ochopo, to soko noyawre ni nyikwa Daudi kod jo-Jerusalem mondo opwodhgo richogi gi timbegi makuero.

Zekaria 13:7

Ruoth Nyasaye Manyalo Gik Moko Duto owacho niya, “In ligangla, a malo mondo ichadh jakwadha! Ee, chadh ng’at matiyona. Chutho, neg jakwath mondo rombe oke, nimar abiro kumo joga moyomno.”

Zekaria 6:12

kiwachone niya, ‘Weche ma Ruoth Nyasaye Manyalo Gik Moko Duto owacho e magi: Jali e ng’at miluongo ni Badyath. Obiro dhi nyime maber, kodongo piyopiyo kama entie, kendo obiro gero Hekalu mar Ruoth Nyasaye.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Malaki 4:2

To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

Luka 1:19

Malaika nodwoke ni, “An e Gabriel, mochung’ e nyim Nyasaye. En ema oseora mondo alos kodi, kendo anyisi wach maberni.

Luka 2:10

to malaika nowachonigi ni, “Kik ubed maluor, nikech akelonu wach maber ma biro miyo ji duto bedo mamor ahinya.

Tich Joote 10:36

Ne ooro wachne ni jo-Israel, kokelonigi Wach Maber mar kue kuom Yesu Kristo, ma en Ruodh ji duto.

Tich Joote 13:23

“Yesu ma nyakwar Daudi ema Nyasaye otimo Jawar jo-Israel, kaka nosingore.

Tich Joote 13:38

Kuom mano, owetena, unyalo neno uduto ni kuom Yesu ema ilandonue wach mar weyo richo.

Tich Joote 14:15

ka gikok ni, “Yawa, ang’o momiyo utimo kamano? Wan mana ji ka un, to gima watimo en mana landonu Wach Maber, mondo uwe timbe manonogi, ulokru ir Nyasaye Mangima, ma ochueyo polo gi piny kod nam, kaachiel gi gik moko duto manie i gi.

Tich Joote 26:6

To koro achung’ kaeri kodonjna nikech ageno kuom singruok mane Nyasaye otimo ni kwerewa.

Tich Joote 3:19

Mano omiyo, lokreuru uduog ir Nyasaye mondo richou oruchi,

Tich Joote 5:42

Kendo pile ne gisiko ka gilando Wach Maber e Hekalu kendo e mier, ka gipuonjo ji ni Yesu e Mesia.

Jo-Rumi 1:2

Chon Nyasaye nosemiyo jonabi osingore e Muma Maler ni Wach Maberni biro biro.

Jo-Rumi 10:15

Koso ere kaka ji nyalo lando Wach Maber ka ok oorgi? En mana kaka Muma wacho niya, “Mano kaka ji mor ka gineno joma kelo nigi Wach Maber!”

Jo-Rumi 4:13

Nyasaye nosingore ni Ibrahim kod nyikwaye ni piny nobed margi to ne ok osingore kamano nikech Ibrahim norito chik, to mana nikech nokwane ni en ng’at makare kuom yie mane en-go.

Jo-Rumi 9:4

Jo-Israel gin joma Nyasaye oseyiero mondo obed nyithinde. Ne onyisogi duong’ne maler, kendo ne otimo kodgi singruok madongo. Nomiyogi Chik Musa kendo nonyisogi kaka onego gilame e Hekalu. Bende nosingorenigi ni obiro guedhogi.

Rapar mar Chik 18:15

Ruoth Nyasaye ma Nyasachu noyier janabi moro ka an kuom jou uwegi, kendo nyaka uwinj wachne.