Tich Joote 13:22 - MUMA MALER 2015

²² Eka Nyasaye nogole, moketonigi Daudi ruoth. En ema Nyasaye nowuoyo kuome niya, ‘Aseyudo ni Daudi wuod Jesse e ng’at ma chunye chal gi mara, kendo ema notim gik moko duto ma adwaro.’

Motingʼo Loko Manyien

²² Bangʼ kane osegolo Saulo e ruoth, noketo Daudi obedo ruodhgi, kendo kuom Daudi ema ne Nyasaye owuoyoe kowacho ni, ‘Aseyudo Daudi wuod Jesse, ngʼat ma chunye chal gi mara, obiro timo gik moko duto ma adwaro mondo otim.’

Tich Joote 13:22 ပူးပေါင်းရင်းမြစ်များ

2 Samuel 2:4

Jo-Juda nobiro, mowiro Daudi gi mo, ka gikete ruodh dhood Juda. Kane onyis Daudi ni jo-Jabesh-gilead ema noyiko Saulo,

2 Samuel 7:15

to ok nagol herana kuome, kaka nagolo kuom Saulo, ma nariembo mondo oweni thuolo.

2 Samuel 7:8

Bende nyis Daudi ni Ruoth Nyasaye Manyalo Gik Moko duto owacho kama: ‘Ne agoli e lek, kuma nikwayoe rombe, mondo ibed jatend joga Israel.

1 Ruodhi 15:3

Abija ne timo richo duto mane wuon mare otimo. Chunye ne ok long’o ni Ruoth Nyasaye kaka chuny Daudi kwar mare ne long’o.

1 Ruodhi 15:5

nimar Daudi notimo gik malong’o ni Ruoth Nyasaye, kendo e ngimane duto ne ok oketho wach moro mane ochike, mak man wach Uria ja-Hiti.

1 Weche mag Ndalo 10:13

Kamano Saulo notho nikech noweyo Ruoth Nyasaye. Ne ok orito chik Ruoth Nyasaye, kendo kar penjo Ruoth Nyasaye wach, to nodhi mana ir jonyakalondo mondo onyise wach.

1 Weche mag Ndalo 2:12

Boaz nonywolo Obed, to Obed nonywolo Jesse.

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Jeremia 33:21

to kara singruok mane atimo gi Daudi jatichna ni kinde duto nyakware ema nobed ruoth, bende nyalo kethore, kendo singruok mane atimo gi jodolo ma jo-Lawi ma tiyona bende dikethre.

Jeremia 33:26

to eka anyalo ketho singruok mane atimo gi nyikwa Jakobo kendo gi Daudi jatichna, ni anaket nyakwar Daudi moro obed ruodh nyikwa Ibrahim gi Isaka kod Jakobo. Adier, abiro timonigi ng’wono mi gichak gidhi nyime maber.”

Ezekiel 34:23

Anamigi jakwath achiel, ma en jatichna Daudi, kendo enoritgi maber.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Tich Joote 13:36

“To kane Daudi osetimo gik mane Nyasaye dwaro mondo otim e ndalone, notho, moyike but kwerene, kendo ne otop.

Tich Joote 15:8

Nyasaye, mong’eyo chuny ji duto, nomiyogi Roho Maler mana kaka nomiyowa, konyisogo ni oyie kodgi.

Tich Joote 7:46

Kane Daudi oneno ni timne long’o ni Nyasaye, nokwayo Nyasaye mondo oyiene ogerne kar dak ma nyikwa Jakobo dilemie.

1 Samuel 12:25

To kusiko kutimo richo, to obiro tiekou kaachiel gi ruodhu.”

1 Samuel 15:11

“Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.

1 Samuel 15:23

Tamruok mako chik chalo gi tim jwok, kendo wichteko chalo gi tim mamono. Isedagi chik Ruoth Nyasaye, omiyo en bende osedagi ni kik ibed ruoth.”

1 Samuel 15:26

To Samuel nodwoke niya, “Ok nadog kodi, nimar isedagi wach Ruoth Nyasaye, kendo Ruoth Nyasaye osedagi ni kik ibed ruodh Israel.”

1 Samuel 15:28

Eka Samuel nokone niya, “Kawuono Ruoth Nyasaye oyiecho loch Israel kuomi, kendo omiyo ng’at machielo, maber moloyo.

1 Samuel 16:1

Ruoth Nyasaye nowacho ni Samuel niya, “Ibiro kuyo nyaka karang’o, to asedagi ni kik Saulo obed ruoth? Koro ol mo e tung’ni mondo aori ir Jesse ja-Bethlehem, nikech aseyiero wuode moro mondo obed ruoth.”

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.

1 Samuel 28:16

Samuel nowachone niya, “Marang’o ipenja, kobedo ni Ruoth Nyasaye oseweyi, modoko jasiki?

1 Samuel 31:6

Kamano, Saulo, kaachiel gi yawuote adek, gi jating’ne gi lweny, kod joge duto, notho chieng’no.