Tich Joote 13:19 - MUMA MALER 2015

¹⁹ Eka notieko ogendini abiriyo mane oyudo odak e piny Kanaan, mi omiyo joge owuon pinyno.

Motingʼo Loko Manyien

¹⁹ Nokedo gi pinje abiriyo mag jo-Kanaan moloyogi, mi opogo lopgi ni joge kaka girkeni.

Tich Joote 13:19 ပူးပေါင်းရင်းမြစ်များ

Chakruok 12:5

Nokawo Sarai chiege, gi Lut wuod owadgi, kaachiel gi mwandu duto kod wasumbni duto mane gin go Harran, eka ne gichako wuoth madhi e piny Kanaan. Kane gisechopo Kanaan,

Chakruok 17:8

Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

1 Ruodhi 6:1

E higa mar mia ang’wen gi piero aboro bang’ wuok jo-Israel Misri, kane Solomon osebet ruodh Israel higni ang’wen, nochako gero Hekalu mar Ruoth Nyasaye, e due mar ariyo miluongo ni Zif.

Nehemia 9:24

Kane nyikwagi odonjo e pinyno mokawo, niloyonigi jo-Kanaan mane oyudo odak kuno, michiwogi kaachiel gi ruodhigi e lwet jo-Israel mondo otim kodgi gima gihero.

Zaburi 135:11

Ne gin Sihon, ruodh jo-Amor, gi Og ruodh Bashan, kod ruodhi duto mag Kanaan.

Zaburi 78:55

Noriembo joma ne odak e pinyno, mondo oyaw ni joge thuolo, eka ne opoge ni dhout Israel, mi omiyo gidak e miechgi.

Isaya 34:17

En ema oseyiero ni moro ka moro kare, kendo osepogonigi piny, kopimo gi tol. Pinyno nobed margi nyaka chieng’, kendo ginidagie tieng’ gi tieng’.

Tich Joote 7:45

Bang’e achien, kwerewa ne oyudo hemano kuom wuonegi. Ne giting’e ka gidhi gi Joshua, mi gikawo piny ogendini mane Nyasaye oseriembo mondo owenigi thuolo. Hema nobedo kuno nyaka ndalo Daudi.

Rapar mar Chik 7:1

“Ka Ruoth Nyasaye ma Nyasachu oterou mondo ukaw piny ma ubiro dhiyoeno, noriembnu ogendini abiriyo madongo kendo marateke moloyou, ma gin jo-Hiti, gi jo-Girgash gi jo-Amor gi jo-Kanaan gi jo-Perizi gi jo-Hivi kod jo-Jebus.

Joshua 14:1

Koro magi e pok mane jo-Israel oyudo e piny Kanaan kaka Eleazar jadolo gi Joshua wuod Nun kod jodong dhout Israel nopogonigi.

Joshua 18:10

kendo Joshua nogoyonigi ombulu e nyim Ruoth Nyasaye, mopogo ni dhoot ka dhoot lope.

Joshua 19:51

Mano e kaka Eleazar jadolo, gi Joshua wuod Nun, kod jodong dhout Israel, nopogo lowo gi ombulu e nyim Ruoth Nyasaye e dho Hemb Romo, ka ne gin Shilo. Kamano ne gitieko pogo piny.

Joshua 23:4

Omiyo winjuru! Asepogo ni dhoutu piny ogendini ma aseriembo kaachiel gi piny jogo ma pod odong’, chakre aora Jordan yo wuok chieng’, nyaka Nam Maditerenia man yo podho chieng’.

Joshua 24:11

Eka bang’e nung’ado aora Jordan, muchopo Jeriko. Jo-Jeriko gi jo-Amor gi jo-Perizi gi jo-Kanaan gi jo-Hiti gi jo-Girgash gi jo-Hivi kod jo-Jebus nokedo kodu, to namiyo uloyogi duto.

Jong’ad Bura 11:26

Jo-Israel osedak Heshbon gi Aroer gi mier matindo duto mokiewo kodgi, kaachiel gi mier man e bath aora Arnon kuom higni mia adek. En ang’o ma osebedo ka monou kawogi kuom hignigo duto?