Tich Joote 13:17 - MUMA MALER 2015

¹⁷ Nyasaye ma Nyasach jo-Israelgi noyiero kwerewa, moloko oganda motegno e ndalo mane gin jodak e piny Misri. Bang’e nogologi kuno gi tekone maduong’,

Motingʼo Loko Manyien

¹⁷ Nyasach jo-Israel noyiero kwerewa kendo nomiyo ginyaa e thuolo mane gidak Misri. Nyasaye notelonigi kagologi Misri kuno gi tekone maduongʼ;

Tich Joote 13:17 ပူးပေါင်းရင်းမြစ်များ

Zaburi 135:4

Ne oyiero Jakobo mondo obed ng’ate. Adier, noyiero jo-Israel mondo obed joge owuon.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 13:14

Ka chieng’ moro yawuotu penjou ni, ‘Ere tiend gima utimoni?’ To nyaka uduokgi niya, ‘Ruoth Nyasaye nogolowa gi tekone maduong’ e piny Misri, kuma ne wabedoe wasumbini.

Wuok 13:16

Timni nyaka bednu rapar, mana ka kido manie lwetu kata ka ranyisi manie lend wang’u, nikech Ruoth Nyasaye nogolowa Misri gi tekone maduong’.’ ”

Wuok 14:8

Ruoth Nyasaye nomiyo chuny Farao ruodh Misri odoko matek, mi nolawo jo-Israel ma nosewuok ka chunygi ochayo jo-Misri.

Wuok 18:11

Koro ang’eyo ni Ruoth Nyasaye duong’ moloyo nyiseche duto, nikech osereso jo-Israel e loch mar jo-Misri, kuma ne iritogie gi achaye.”

Isaya 44:1

“Koro winjauru un jotichna ma nyikwa Jakobo. Chikuru itu un jo-Israel, oganda ma aseyiero.

Amos 2:10

Ruoth Nyasaye nochako owacho niya, “An ema nagolou e piny Misri, mi atelonu e thim kuom higni piero ang’wen, kendo namiyou piny jo-Amor mondo obed maru.

Mika 6:4

Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Rapar mar Chik 10:22

Kane kwereu odhi Misri, ne gin mana ji piero abiriyo kende, to koro Ruoth Nyasaye osemiyo unya ka sulue mae polo.

Rapar mar Chik 14:2

nikech un joma ler mowal ni Ruoth Nyasaye ma Nyasachu. Ruoth Nyasaye noyierou kuom ogendini duto manie piny mondo ubed joge owuon.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

Rapar mar Chik 4:34

Koso nitie Nyasaye moro mosetemo golo oganda moro kuom oganda machielo mane oselokogi wasumbni? Bende nyasaye moro osetimo timbe madongo gi ranyisi kod honni, kokedo gi teko maduong’ kendo komiyo ji luoro kod kibaji? To Ruoth Nyasaye ma Nyasachu notimonu gik ma kamago kogolou Misri mana kuneno gi wang’u.

Rapar mar Chik 4:37

Nohero kwereu, moyiero nyikwagi, omiyo en owuon nogolou Misri gi tekone maduong’,

Rapar mar Chik 7:19

Paruru timbe madongo mane uneno gi wang’u kod ranyisi gi honni kaachiel gi teko maduong’ mane Ruoth Nyasaye ma Nyasachu ogolougo Misri gi bat morie. Kamano e kaka obiro timo ni ogendini duto muluorogo.

Rapar mar Chik 9:5

Ok timbeu mabeyo kata dimbruok ma un-go ema omiyo ubiro donjo e piny jogo mondo ukaw, to en mana nikech richo mag ogendinigo emomiyo Ruoth Nyasaye ma Nyasachu riembogi mondo giwenu thuolo, kochopogo singruok ma notimo gi kwereu ma Ibrahim gi Isaka kod Jakobo.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Samuel 4:8

Yaye! Ng’ano ma noreswa e lwet nyiseche maratekegi? Gin nyiseche ma nosando jo-Misri gi masiche mayoreyore e thim.