Tich Joote 12:23 - MUMA MALER 2015

²³ Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

Motingʼo Loko Manyien

²³ Gikanyono malaika mar Ruoth nogoyo Herode piny, nikech ne ok omiyo Nyasaye duongʼ kendo kute nochamo ringre, mi otho.

Tich Joote 12:23 ပူးပေါင်းရင်းမြစ်များ

2 Ruodhi 19:35

Otienono, malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

2 Weche mag Ndalo 32:21

Eka Ruoth Nyasaye nooro malaika e kambi mar ruodh Asuria, motieko thuondi gi jodongo kod jotend jolweny duto. Omiyo nodok e pinye ka en gi wichkuot. To kane odonjo e od nyasache, yawuote moko nonege kanyo.

Ayub 19:26

Kata ka tuo oketho denda kamano, to e ringruokni anane Nyasaye.

Ayub 7:5

Kudni opong’o denda, kendo buru oima, kendo adhondena chuer tutu.

Zaburi 115:1

In kendi, A Ruoth Nyasaye, ema nyaka iyud duong’, to ok wan, nikech adiera mari kod herani mosiko.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Wuok 12:23

Ruoth Nyasaye biro wuotho e piny Misri duto, mondo oneg jo-Misri, to enokadh dhoot ka dhoot moneno remo e wiye, kendo e sisi mage, kendo ok nowe malaika maneko donje uteu mondo onegu.

Wuok 12:29

E dier otienono tir, Ruoth Nyasaye nonego nyithindo ma yawuowi makayo duto, chakre kach ruoth Farao nyaka kach ng’at motue e jela, kaachiel gi nyithindo makayo duto mag jamni.

Wuok 9:17

To kaka pod ithago joga, kendo ok iyienigi mondo gia,

Ngeche 12:8

Ng’at mariek yudo pak. Ng’at maonge rieko to inyiero anyiera.

Isaya 14:11

Duong’ ma yande in go, kaachiel gi thumbe ma yande iwinjo, osedhi kodi e Piny Joma Otho. Kudni e godhro minindoe, kendo e baranget miumorigo.

Isaya 37:23

To koro in, en ng’ano ma isejaro kendo iyanyo? Koso en ng’a ma isekokne ka ijowo wang’i? Nyaka ing’e ni en Ng’ama Ler mar Israel!

Isaya 51:8

nikech ibiro tiekgi, mi girum, mana kaka olwenda tieko law. To an, teko ma awarogo ji nosiki nyaka chieng’. Adier, resruok ma akelo ok norum kuom tienge duto.

Isaya 66:24

Giniwuogi, mi gine ringre joma otho mosepiem koda. Kudni machamogi ok notho, kata mach mawang’ogi bende ok notho, kendo ginibed gik ma ji duto osin-go.

Ezekiel 28:2

“Wuod dhano, nyis ruodh Turo ni an Ruoth Nyasaye awachone kama: Isungori ni ibet e kom duong’ ni in nyasaye. To kata obedo ni iwuondori ni in nyasaye kamano, to ng’e ni in mana dhano!

Ezekiel 28:9

To chieng’ ma gibiro mondo ginegino, bende pod niwach ni in nyasaye? Ooyo, ka gibiro iri, to nibed mana dhano matho, ma ok nyasaye!

Tich Joote 12:22

To ji duto nowacho matek niya, “Mano dwond Nyasaye, ok mar dhano!”

Tich Joote 5:19

To gotienono malaika mar Ruoth nobiro, moyawo dhood jela. Nogologi oko mowachonigi niya,

2 Jo-Thesalonika 2:4

Obiro sungore, kokwero gimoro amora miluongo ni nyasaye, kata gimoro amora milamo. Enohedhre kata mana bet e Hekalu mar Nyasaye, kohulo owuon ni en Nyasaye.

1 Samuel 25:38

To bang’ ndalo apar, Ruoth Nyasaye nochwade, motho.