Tich Joote 12:19 - MUMA MALER 2015

¹⁹ Herode nogolo chik mondo odware, to ne ok ginyal yude. Omiyo ne onono jorit ahinya, eka nowacho ni mondo oneggi. Bang’e noa Judea odhi Kaisaria, mobet kuno kuom kinde moko.

Motingʼo Loko Manyien

¹⁹ Herode nogolo chik mondo omany Petro, to ne ok ginyal yude. Kuom mano, nonono jorit od twech mondo ginyise kuma Petro odhiye, eka nogolo chik mondo oneg joritogi. Kindeno Herode nodar Judea modhi odak Kaisaria kuom ndalo manok.

Tich Joote 12:19 ပူးပေါင်းရင်းမြစ်များ

1 Ruodhi 20:43

Mi ruodh Israel nodok Samaria ka chunye lit.

Jeremia 36:26

Bang’e nogolo chik mondo jaduong’ Jerameel kaachiel gi Seraya wuod Azriel kod Shelemia wuod Abdiel jodhi omak Jeremia gi Baruk jandiko mare. To noyudo ka Ruoth Nyasaye osepandogi.

Mathayo 2:1

Kane onywol Yesu e dala mar Bethlehem e piny Judea, e ndalo loch ruoth Herode, ajuoke moko moa yo wuok chieng’ nobiro Jerusalem,

Mathayo 2:13

To kane ajuoke osewuok, malaika mar Ruoth nofwenyore ni Josef e lek, mowacho ne niya, “A malo, ikaw nyathi kod min mare mondo iring idhi Misri, kendo ibed kuno nyaka aduogni wach, nimar Herode biro dwaro nyathino mondo onegi.”

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Tich Joote 12:18

Kane piny oru, kihondko maduong’ nomako askeche ma jorit, ka gipenjore ni ang’o motimore ni Petro.

Tich Joote 12:4

Kane osemak Petro kamano, ne otere e jela, mi okete e lwet askeche apar gauchiel, ka askeche ang’wen rite arita. Herode nosechano mondo oyale e nyim ji bang’ Pasaka.

Tich Joote 12:6

Otieno mane kiny onego Herode golie Petro oko ni ji, Petro noyudo nindo e kind jorit ariyo. Ne otueye gi nyoroche ariyo, kendo askeche bende ne rito jela.

Tich Joote 16:27

Eka jarit jela nochiew, kendo kane oneno ka dhout jela oyawore, nogalo ni joma otue duto osepondo oa, omiyo nowuodho ligangla mondo onegrego.

Tich Joote 21:8

Kinyne ne wawuok mi watundo Kaisaria, kendo ne wadhi e dala Filipo, ma jaland Wach Maber, mane achiel kuom ji abiriyo mane oyier Jerusalem kande, mi wabet kode.

Tich Joote 25:13

Bang’ kinde moko, ruoth Agripa kod Bernike nobiro Kaisaria mondo omos Festo.

Tich Joote 27:42

Askeche ne dwaro nego joma otue, ni mondo kik moro kuomgi go abal, wuog oko, mi tony.

Tich Joote 8:40

To Filipo nothinyore mana Ashdod, mi owuotho e mier duto, kolando Wach Maber nyaka nochopo Kaisaria.

1 Samuel 23:14

Daudi nodak kuonde rogo e piny gode manie thim Zif. Saulo ne dware pile, to Nyasaye ne ok ochiwe e lwete.