Tich Joote 11:29 - MUMA MALER 2015

²⁹ Eka jopuonjre noyie ni ng’ato ka ng’ato kuomgi nyaka chiw gik moko kaka onyalo, mondo okow ni owete modak Judea, okonyrego.

Motingʼo Loko Manyien

²⁹ Kuom mano, jopuonjre nowinjore mar oro kony kaluwore gi nyalo margi, ni jowete mane odak Judea.

Tich Joote 11:29 ပူးပေါင်းရင်းမြစ်များ

Ezra 2:69

Ne gichiwo dhahabu moromo kilo alufu aboro, gii fedha moromo kilo alufu adek, kod lep dolo mia achiel, kar nyalogi.

Nehemia 5:8

Eka namedo wachonigi niya, “Jo-Yahudi weteu mane jopinje mamoko ong’iewo, wasewaro mwadwoko, kaka wanyalo, to un koro uuso mana joweteu uwegi, to mano biro chunowa mana ni nyaka wawargi kendo!” Ne giling’ ka dhogi omoko.

Mathayo 25:17

Kamano bende ng’at mane omi siling’ alufu ariyo noyudo ohala alufu ariyo mamoko e wigi.

Johana 2:2

kendo Yesu bende noluongi e kiserano gi jopuonjrene.

Tich Joote 1:15

Chieng’ moro Petro nochung’ mondo olosi e chokruok mar joma oyie kuom Kristo, ma dirom ji mia achiel gi piero ariyo.

Tich Joote 11:1

Joote kod owete duto mane nie piny Judea nowinjo ni joma ok jo-Yahudi bende oseyie Wach Nyasaye.

Tich Joote 11:26

to kane osenwang’e nokele Antiokia. Kuom higa ngima ji ariyogo nochokore gi jo-Kristo.

Tich Joote 13:52

Jopuonjre mane ni Antiokia to nodong’ kopong’ gi mor kod Roho Maler.

Tich Joote 14:20

To kane jopuonjre obiro mochung’ kolwore, noa malo modok e dala. Kinyne Paulo gi Barnaba nodhi Derbe,

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Tich Joote 24:17

“To bang’ bedo maonge e Jerusalem kuom higni moko, ne adok kuno mondo ater mich ni ogandawa, kendo atim ni Nyasaye misango.

Tich Joote 4:34

Onge ng’ato kuomgi mane ochando gimoro, nikech ji duto mane ni gi puothe kata udi, ne lokogi, kendo kelo pesa ma gilokogi gichiwo ni joote.

Tich Joote 6:1

E ndalogo, kane jopuonjre koro medore mang’eny, jo-Yahudi mong’eyo dho Grik nochako ng’ur gi jowetegi mong’eyo mana dho Hibrania kende, nikech mondgi ma chwogi otho ne ojwang’, mi ok yud pok mapile.

Tich Joote 9:19

kendo kane osechiemo, tekone noduogo. Kane Saulo osebet Damaski gi jopuonjre kuom kinde matin,

Tich Joote 9:25

to chieng’ moro gotieno, jopuonjre nokete e osera, mi olore piny gie otuch e kor ohinga.

1 Jo-Korintho 13:5

Hera ok tim gima kuodo wich, ok odwar mare kende, iye ok wang’, bende ok omak sadha.

Jo-Galatia 2:10

To ne gidwaro mana ni mondo wapar jochan, ma en gima an bende ne aseketo chunya ahinya mondo atim.