Tich Joote 11:23 - MUMA MALER 2015

²³ Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Motingʼo Loko Manyien

²³ Kane ochopo mi oneno kaka ngʼwono Nyasaye ne tiyo kuom jogo, nomor ahinya, kendo nojiwogi duto mondo gisiki kuom Ruoth gadiera kendo gi chunygi duto.

Tich Joote 11:23 ပူးပေါင်းရင်းမြစ်များ

2 Ruodhi 18:6

nikech nopadore kuom Ruoth Nyasaye chutho, ka ok oweyo luwe, kendo norito chike duto mane Ruoth Nyasaye omiyo Musa.

Zaburi 17:3

Ing’eyo chunya, kendo iranga gotieno, bende isenona malong’o, minwang’o ni aonge gi gombo mar timo gima rach. Ok awach weche maricho

Ngeche 23:15

Wuoda, ka inyalo bedo mariek, to dabed mamor.

Ngeche 23:28

Gibuto ni ji ka jomecho, kendo gimiyo ji mathoth donjo e richo.

Daniel 1:8

Daniel ne oparo ni ok onego obed mogak kuom chamo chiemo kendo madho divai mane ibiro miyogi kaa e od ruoth. Omiyo ne okwayo Ashpenaz ma jatelo maduong’ mondo kik ochune chamo gigo.

Mathayo 16:24

Bang’ mano, Yesu nowacho ni jopuonjrene niya, “Ka ng’ato dwaro luwa, to nyaka okwerre owuon, mi okaw msalape, kendo oluwa,

Mariko 2:5

Kane Yesu oneno yie ma jogo nigo, nowacho ni ng’atno niya, “Wuoda, richoni oweni.”

Johana 15:4

Beduru e iya kaka an bende abet e iu. Kaka bad mzabibu ok nyal nyago olemo kende, ka ok en kuom yath mzabibu, e kaka un bende ok unyal nyago gimoro, kapok ubet e iya.

Tich Joote 13:43

Bang’ chokruokno, jo-Yahudi mang’eny kod jomoko mathoth moluoro Nyasaye mane oselokore luwo kit lemo mar jo-Yahudi, nodhi gi Paulo gi Barnaba. Ji ariyogo nopuonjogi, kajiwogi mondo gisik mana kuom ng’wono mar Nyasaye.

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Tich Joote 14:26

kendo kane gia kuno, to ne gikwang’ mi gidok Antiokia e piny Kilikia, kuma ne oseketgie e lwet Nyasaye mondo oritgi gi ng’wonone, giti tich mane koro gisetieko.

Tich Joote 15:40

Paulo to noyiero Sila, kendo ka ne owete osekwayonigi Nyasaye mondo oguedhgi, nowuok.

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Tich Joote 20:32

“To koro aketou e lwet Nyasaye, kendo akwayo mondo wach ng’wonone oritu. En ema onyalo dongou, mi omiu mwandu mokan ni jo-Nyasaye duto.

Tich Joote 4:36

Kamano bende e kaka ja-Lawi moro moa Saipras ma nyinge Josef, mane joote ochako bende ni Barnaba, (Tiende ni jal majiwo ji,)

Jo-Rumi 12:8

kendo ka tich ng’ato en jiwo ji, to mondo otim kamano. Ka en jachiwo to mondo ochiw mabup. Ng’at momi mich mar bedo jatelo bende mondo otel ni ji katimo kinda. To ng’at makonyo ji mondo otim kamano gi mor.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

2 Jo-Korintho 1:17

To uparo ni kane achano kamano to ne an jahubagabaga koso? Koso uparo ni achano yorena mana kaka dhano chano, ka weche ariyo, ma “Ee” gi “Ooyo” okikore e chunya?

2 Jo-Korintho 6:1

Kaka joma tiyo kaachiel gi Nyasaye, wamedo sayou ni kik uwe ng’wono mar Nyasaye museyudo bed kayiem nono,

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 30:20

Heruru Ruoth Nyasaye ma Nyasachu, kuwinjo wachne, kendo kuketo chunyu kuome. Mano nomi ubed mangima, kendo udag aming’a e piny mane osingore ni kwereu ma Ibrahim gi Isaka kod Jakobo.”

Jo-Kolosai 1:6

Wach Maberno nyago olemo, kendo olandore e piny ngima, mana kaka oselandore e kindu, chakre chieng’ mane ukwongo winjoe wach ng’wono mar Nyasaye, mi ung’eye adier.

2 Timotheo 3:10

In to iseluwo puonjna gi timna kod gik ma adwaro timo e ngimana. Iseneno yie mara, gi dhilna, gi herana, gi kindana,

Joshua 22:5

Neuru ni urito chik duto mane Musa jatich Ruoth Nyasaye omiyiou. Heruru Ruoth Nyasaye ma Nyasachu, kuluwo yorene, kendo kurito chikene. Padreuru kuome, kutiyone gi chunyu duto.”

Joshua 23:8

To padreuru kuom Ruoth Nyasaye gi chuny modimbore, mana kaka usetimo nyaka chil kawuono.

1 Petro 5:12

Andikonu barua machiekni, ka Silvano, ma ageno kaka owadwa maradier, konya. Adwaro jiwou kendo nyisou ni mano e kaka ng’wonono mar adier mar Nyasaye chalo. Omiyo chung’uru motegno kuom ng’wonono.

1 Johana 2:28

Adier nyithinda, sikuru kuome mondo ka chieng’ moro ofwenyore, to wabed gi chir, ka waonge gi gima dimi wiwa kuodi e nyime.

3 Johana 1:4

Onge gima miya mor moloyo ka awinjo ni nyithinda wuotho e adiera.

Juda 1:4

Nyaka andik kamano nimar jomoko ma ok oluoro Nyasaye, ma gin joma oseketi ni bura oloyo chon nikech wachni, osedonjo kuomu ling’ling’, ka gitemo mondo gilok ng’wono mar Nyasachwa obed anjawo, kendo gidagi Ruodhwa achiel kende, ma en Ruoth Yesu Kristo.