Tich Joote 10:39 - MUMA MALER 2015

³⁹ Wan ne waneno gik moko duto mane otimo e piny jo-Yahudi kod Jerusalem, kendo wawuoyo ni ji kuomgi. Jo-Yahudi ne onege kogure e msalaba,

Motingʼo Loko Manyien

³⁹ “Wan joneno kuom gik moko duto mane otimo e piny jo-Yahudi kendo ei Jerusalem. Neginege ka gigure e msalaba,

Tich Joote 10:39 ပူးပေါင်းရင်းမြစ်များ

Luka 1:2

ka giluwo wechena ma joma ne onenogi, kod Joland Wach Maber, onyisowa.

Luka 24:48

Un muneno wechegi ema nyaka unyis ji mamoko.

Johana 15:27

Un bende ununyis ji wach kuoma, nikech usebet koda nyaka ne achak tija.

Tich Joote 1:22

chakre ndalo mane Johana obatisoe ji, nyaka chieng’ mane ogolie Yesu kuomwa, kitero malo.”

Tich Joote 1:8

To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

Tich Joote 10:41

Ji duto ne ok onene, to mak mana wan mane Nyasaye oyiero. Wan ne wachiemo kendo wametho kode kane osechier oa kuom joma otho.

Tich Joote 13:31

kendo kuom ndalo mang’eny nofwenyore ni joma ne oseluwe koa Galili odhi Jerusalem. Gin ema tinde gihulo ni jo-Israel weche man kuome.

Tich Joote 2:32

Yesuni ema Nyasaye osechiero kuom joma otho, kendo wan duto wan joneno.

Tich Joote 4:10

Un uduto, kaachiel gi jo-Israel, nyaka ung’e ni ng’atno ochung’ e nyimu ka kangima chuth, nikech teko mar nying Yesu Kristo ja-Nazareth, mane un uguro, to Nyasaye nochiero oa kuom joma otho!

Tich Joote 7:52

Bende nitie janabi moro mane kwereu ok osando? Ne ginego joote Nyasaye mane osehulo chon ni Ng’ama Kare biro biro. To koro un usendhogo Ng’ama Kareno, mi unego.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.