Tich Joote 10:34 - MUMA MALER 2015

³⁴ Eka Petro nochako wuoyo, kawacho ni, “Koro asefwenyo adier ni Nyasaye timoni ji duto mana machalre.

Motingʼo Loko Manyien

³⁴ Eka Petro nochako wuoyo kowacho niya, “Sani koro ayie adier ni Nyasaye chiwo ni ji duto mana machalre ka ok odewo wangʼ ngʼato,

Tich Joote 10:34 ပူးပေါင်းရင်းမြစ်များ

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Ayub 34:19

Nyasaye ema nochueyo ng’ato ka ng’ato, omiyo ok ochwak achwaka jotelo kayiem nono, bende otimo ni joma odhier gi joma omew mana machalre.

Mathayo 22:16

Eka ne gioro jopuonjre maggi kod jo-Herode ire, mi jogo nodhi openje niya, “Japuonj, wang’eyo ni in jaadiera, kendo ipuonjo yor Nyasaye gi adiera, ma ok iluoro wang’ ng’ato, bed ni en ng’ama nadi.

Mathayo 5:2

mi ochako puonjogi. Nowacho niya:

Luka 20:21

Jombetrego nowacho ni Yesu niya, “Japuonj, wang’eyo ni gima iwacho kendo ipuonjo en adier. Bende wang’eyo ni ok iluoro wang’ ng’ato, kata dabed ni en ng’ama nadi, to ipuonjo yor Nyasaye gi adiera.

Tich Joote 10:33

Mano omiyo ne aoroni joote mana gi sano, kendo agoyoni erokamano ahinya kuom biro. To koro waduto eri wan ka e nyim Nyasaye, kwarito wach moro amora ma Ruoth osenyisi mondo iwachi.”

Tich Joote 15:9

Nopuodho chunygi nikech ne giyie kuome, kotimonigi mana kaka notimonwa.

Tich Joote 8:35

Eka Filipo nochako mana kama ne osesomo e Mumano, mi opuonje Wach Maber mar Yesu.

Jo-Rumi 2:11

Nyasaye ok dew wang’ ng’ato!

Jo-Rumi 3:29

Uparo ni Nyasaye en mana Nyasach jo-Yahudi kende koso? Donge en Nyasach joma ok jo-Yahudi bende? Adier en Nyasach joma ok jo-Yahudi bende.

Jo-Galatia 2:6

To jogo mane onenore ka jotelo ne ok omiya wach moro manyien. (Awacho ni ne ginenore ka jotelo, nikech ok adewo gima gin, nimar Nyasaye ok odewo nenruok maoko mar dhano.)

Jo-Efeso 6:9

Un ruodhi bende timuru ni wasumbini mau mana kamano. Kik ubwoggi, nikech ung’eyo ni un kaachiel kodgi, un gi Ruoth achiel kende e polo ma ok oluoro wang’ ng’ato.

Rapar mar Chik 1:17

Nyaka ubed joratiro kung’ado bura, kendo nyaka uwinj wach ng’at modhier mana kaka uwinjo wach jamoko. Kik uluor wang’ ng’ato, nikech ng’ado bura en mar Nyasaye. Kapo ni uneno ka bura moro tek ahinya, ma ok unyal ng’ado, to kelnagouru mondo ayale.’

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

Jo-Kolosai 3:11

E ngimau manyienni, onge ja-Yahudi kata ng’ama ok ja-Yahudi; onge ng’ama oter nyangu kata ng’ama ok oter nyangu. Kendo onge misumba kata ng’ama ni thuolo. Bende onge ng’ama ok osomo gi jamaranda. To Kristo en duto kendo kuom duto.

Jo-Kolosai 3:25

Ng’at matimo marach kata da bed ni en ng’ama nadi, noyud pok kuom rach mosetimo, nikech Nyasaye yalo ji duto mana machalre, ka ok odewo wang’ ng’ato.

Jakobo 2:1

Owetena, kaka un joma oyie kuom Ruodhwa Yesu Kristo ma Ruodh duong’, omiyo kik uluor wang’ ji.

Jakobo 2:4

to koro donge upogoru kendu, kendo udoko jong’ad bura ma pachgi richo?

Jakobo 2:9

To ka uluoro wang’ ji, to utimo richo, kendo Chik oloyou gi bura ni un joketho.

1 Petro 1:17

Ka ulemo, to uluongo Nyasaye ni Wuoro, Jal mang’ado ni ji duto bura, kaka tim ng’ato ka ng’ato obet, ma ok odewo wang’ ng’ato, omiyo nyaka uluore ndalo duto ma udakgo ka welo e pinyka.