Tich Joote 10:20 - MUMA MALER 2015

²⁰ Omiyo lor piny idhi kodgi, mak iriwo gi kiawa, nikech an ema aseorogi.”

Motingʼo Loko Manyien

²⁰ Omiyo aa malo ilor piny irgi. Kik ideki ma ok idhi kodgi nikech an ema aorogi.”

Tich Joote 10:20 ပူးပေါင်းရင်းမြစ်များ

Isaya 48:16

Suduru machiegni koda mondo uwinj wachnani: Nyaka nene pok asewuoyo ling’ling’. Chieng’ mane gigo duto chakore ne antie.” (To koro Ruoth Nyasaye oseora, kaachiel gi Roho mare.)

Mariko 16:15

Eka nowachonigi niya, “Dhiuru e piny duto, uland Wach Maber ni ji duto.

Tich Joote 10:21

Kuom mano, Petro nolor piny, mi owacho ni jogo ni, “An e ng’at mudwaro. Ere wach ma un go?”

Tich Joote 11:12

kendo Roho nonyisa mondo adhi kodgi mak ariwo gi kiawa. Owete auchiel ma jo-Jopa ma unenogi, bende ne wadhigo, mi waduto ne wadonjo e od Kornelio.

Tich Joote 13:4

Kane Roho Maler oseoro Barnaba gi Saulo kamano, ne gidhi Seleukia, kuma ne giidhoe yie mi gikwang’ gidhi Saipras.

Tich Joote 8:26

Malaika mar Ruoth nowuoyo gi Filipo, mowachone ni, “A malo, mondo idhi yo milambo e yo moa Jerusalem kadhi Gaza.” (Yorno ng’ado e thim.)

Tich Joote 9:15

To Ruoth nowachone niya, “Dhi adhiya, nikech en ema aseyiere obed jatichna mondo omi ogendini ma ok jo-Yahudi, kaachiel gi ruodhi kod jo-Israel, ong’eya.

Tich Joote 9:17

Kuom mano, Anania nodhi modonjo e odno. Noketo lwete kuom Saulo, mowachone ni, “Owadwa Saulo, Ruoth Yesu mane ofwenyoreni e yo kibiro ka, oseora iri mondo ichak inen, kendo ipong’ gi Roho Maler.”

Jakobo 1:6

To ka ukwayo, to nyaka ubed gi yie, ma ok uriwo gi kiawa kata matin, nikech ng’ama riwo gi kiawa chalo gi apaka mar nam ma yamo tugo kendo tagore.