Tich Joote 1:9 - MUMA MALER 2015

⁹ Kane osewacho kamano, ne otere malo e polo ka ging’iye mi olalnigi nono e bor polo.

Motingʼo Loko Manyien

⁹ Bangʼ wacho mano, nokawe motere e polo, mana ka ginene, kendo polo noime mi olalnegi, makoro ne ok ginyal nene.

Tich Joote 1:9 ပူးပေါင်းရင်းမြစ်များ

Zaburi 68:18

Oidho malo, ka otelo ni joma omako e lweny. Bende oseyudo mich, koda ka kuom joma piem kode. Ruoth Nyasaye nodag kanyo nyaka chieng’.

Wuok 19:9

Eka Ruoth Nyasaye nowacho ni Musa niya, “Abiro biro iri ka an ei bor polo mapek, mondo awuo kodi ka ji winjo, mondo gen ma gigenigo kik rum.” Musa nonyiso Ruoth Nyasaye gima ji nodwoko.

Wuok 34:5

Eka Ruoth Nyasaye nolor e bor polo, mochung’ bute kanyo, mi ohulo nyinge ma JEHOVA.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Daniel 7:13

Kane aleko gotienono ne aneno gima chalo dhano kabiro ei boche polo, mi oter ir ng’at ma nyaka nene.

Mariko 16:19

Kane Ruoth Yesu osewuoyo kodgi kamano, ne otere e polo, mi obet e bat korachwich mar Nyasaye.

Luka 21:27

Eka Wuod Dhano nothinyre, kabiro e bor polo gi teko malich kod duong’ maler.

Johana 6:62

Ka kamano, to kara dubwogi machal nadi, ka uneno Wuod Dhano kaidho dok malo kama ne oaye?

Tich Joote 1:11

Jogo nowachonigi niya, “Un jo-Galili, ang’o momiyo uchung’ kurango polo? Yesu mosegol kuomu, kitero malo e poloni, noduogi mana kaka useneno kodhino.”

Tich Joote 1:2

nyaka chop chieng’ mane otere malo e polo. Kane pok otere malo, to nogolo chik kuom teko mar Roho Maler ni joote mane oseyiero.

1 Jo-Thesalonika 4:17

Bang’e, wan mapod wangima noyudhwa, mi terwa malo e boche polo kaachiel gi jogo, mondo warom ni Ruoth e kor polo. Mano e kaka Ruoth noterwa mondo wabed kode nyaka chieng’.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Fweny 1:7

Neuru, obiro gi boche polo, kendo ng’ato ka ng’ato nonene. Jogo mane ochwowe nonene, kendo ogendini duto mag piny nobed gi kuyo nikech en. Ber mondo obed kamano! Amin.

Fweny 11:12

Bang’ mano, jonabi ariyogo nowinjo dwol makok matek gie polo, kawachonigi niya, “Biuru malo ku!” Kuom mano ne giidho malo mana ka wasikgi nenogi

Fweny 14:4

Magi e joma ne ok odwanyore gi mon, to ne giritore maler. Giluwo Nyarombo kamoro amora modhiye. Osewargi kuom ji mana kaka olemo mokwongo nyak, michiwo ni Nyasaye kendo ni Nyarombo.