Ruth 4:6 - MUMA MALER 2015

⁶ Jadhoodgino nodwoke niya, “Ka kamano, to ok anyal ware, nimar dipo kaketho mwanduna awuon. Ber mondo ikaw kara, iwar gino ma owinjore awar, nikech an ok anyal ware.”

Motingʼo Loko Manyien

⁶ Kane wat dhakono owinjo wachno, nowacho niya, “Ka kamano to kare ok anyal ware nikech mano nyalo miyo akel chandruok ne mwanduna awuon. In ema mondo iware in iwuon. An ok anyal timo mano.”

Ruth 4:6 ပူးပေါင်းရင်းမြစ်များ

Chakruok 38:8

Juda nowacho ni Onan niya, “Kaw chi owadu ibedgo, kendo itimne yore duto kaka yuore, mondo ichung wi owadu.”

Tim jo-Lawi 25:25

“Ka wadu moro odoko modhier, mi ong’iewo lope moro, to watne machiegni nyaka war lowono.

Rapar mar Chik 25:7

To ka owadgi ng’at mothono ok dwar tero chi owadgino, to dhakono nyaka dhi ir jodongo e dhoranga dala kar bura, mondo onyisgi niya, ‘Yuora otamore chungo wi owadgi e Israel, kendo odagi timona gima owinjore yuor ng’ato tim ni chi owadgi.’

Rapar mar Chik 25:8

Ka jodong dala owinjo kamano, to nyaka giluong ng’atno, kendo giwuo kode e wachno. Ka owachonigi malong’o ni ok odwar kawe,

Rapar mar Chik 25:9

to chi owadgino nyaka dhi ire e nyim jodongo mi lony wuore e tiende, kendo ng’udh wang’e olawo. Bang’ mano dhakono nyaka wach niya, ‘Ma e kaka watimo ni ng’at modagi chungo wi owadgi.’

Ruth 2:20

Naomi nowachone niya, “Ruoth Nyasaye, osetimonwa ng’wono kod jowa motho, mondo oguedh jalo.” Eka nomedo wacho niya, “Jalo en watwa mahie.”

Ruth 3:13

Bed ka gotienoni, to kiny gokinyi, ka jalo nyalo timoni gima jadhoodu mahie onego tim, to ber, mondo otim kamano. To ka ok oyie timo kamano, to akuong’ora gi nying Ruoth Nyasaye, ni abiro timoni kamano. Koro nindi nyaka okinyi.”

Ruth 3:9

Nopenje ni, “In ng’a?” Ruth nodwoke ni, “An Ruth, jatichni ma nyako. Yar gir um mondo iuma, nikech in e ng’at monego tera.”