Ruth 4:5 - MUMA MALER 2015

⁵ Eka Boaz nowachone niya, “Chieng’ ming’iewoe puodhono kuom Naomi, to nyaka ikaw Ruth nyar Moab bende, ma chi jal ma notho mondo ichung wi ng’at mothono kuom mwandune.”

Motingʼo Loko Manyien

⁵ Eka Boaz nowacho niya, “E odiechiengʼ ma iningʼiewie puodhono kuom Naomi kendo kuom Ruth nyar Moab, ema inikawie chi ngʼat mothono, mondo ichung nying ngʼat mothono kaachiel gi mwandune.”

Ruth 4:5 ပူးပေါင်းရင်းမြစ်များ

Chakruok 38:8

Juda nowacho ni Onan niya, “Kaw chi owadu ibedgo, kendo itimne yore duto kaka yuore, mondo ichung wi owadu.”

Mathayo 22:24

Ne giwachone niya, “Japuonj! Musa nopuonjowa ni, ka ng’ato otho maonge nyathi, to owadgi nyaka kaw chiege mondo onywolnego nyithindo.

Luka 20:28

“Japuonj! Musa nondikonwa Chik ni ni ka ng’ato otho, mi oweyo chiege ka onge nyathi, to owadgi nyaka kaw chiegeno, mondo onywolnego nyithindo.

Rapar mar Chik 25:7

To ka owadgi ng’at mothono ok dwar tero chi owadgino, to dhakono nyaka dhi ir jodongo e dhoranga dala kar bura, mondo onyisgi niya, ‘Yuora otamore chungo wi owadgi e Israel, kendo odagi timona gima owinjore yuor ng’ato tim ni chi owadgi.’