Ruth 4:14 - MUMA MALER 2015

¹⁴ Bang’e mon nowacho ni Naomi niya, “Opak Ruoth Nyasaye tinende, ma ok oweyi nono. Koro in gi nyakwari. Nying nyathi mondo obed gi huma maduong’ e Israel.

Motingʼo Loko Manyien

¹⁴ Mon nowachone Naomi niya, “Opak Jehova Nyasaye kawuononi nikech ok osejwangʼi, nimar osemiyi nyakwari. Mad obed ngʼat marahuma e piny Israel duto!

Ruth 4:14 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 24:27

kowacho niya, “Apako Ruoth Nyasaye ma Nyasach Ibrahim ruodha, moserito singruok ma notimo ni ruodha, kendo osekela mana dala owadgi ruodha.”

Chakruok 29:35

Bang’e nochako omako ich, monywolo wuowi moro kendo. Nowacho niya, “Koro apako Ruoth Nyasaye.” Omiyo nochake ni Juda, (tiende ni, pak). Bang’ mano nochung’ moweyo nywol.

Luka 1:58

Kane joodgi kod jogweng’gi owinjo ng’wono maduong’ mane Ruoth osetimone, giduto ne gidoko mamor, kaachiel kode.

Jo-Rumi 12:15

Beduru mamor gi joma mor, kendo ywaguru gi joma ywak.

1 Jo-Korintho 12:26

Ka fuonni achiel lit, to fuoni duto lit, kendo ka fuonni achiel omi duong’, to fuoni duto bedo mamor kaachiel kode.

1 Jo-Thesalonika 5:18

kendo gouru ni Nyasaye erokamano, kata gima nade ema timore, nikech mano e gima Nyasaye dwaro ni mondo utim kaka jo-Kristo.

2 Jo-Thesalonika 1:3

Owetewa, nyaka wago erokamano ni Nyasaye nikech un. Owinjore mondo watim kamano nimar yie ma un-go medore ahinya, kendo hera ma ng’ato ka ng’ato kuomu oherogo wadgi bende medore moloyo.