Ruth 3:10 - MUMA MALER 2015

¹⁰ Boaz nowachone niya, “Ruoth Nyasaye oguedhi, nyara! Gima itimo kawuononi nyiso long’o maber moloyo ma nitimo ni wuon odu, nikech ok iseluwo bang’ wuowi moro ma jachan kata ma japith.

Motingʼo Loko Manyien

¹⁰ Nodwoko niya, “Jehova Nyasaye mondo ogwedhi nyara. Tim maber makoro itimoni duongʼ moloyo mano manyocha isenyiso chon: Ok iseringo bangʼ yawuowi ma pod tindo, bed ni gin jomoko kata jochan.

Ruth 3:10 ပူးပေါင်းရင်းမြစ်များ

Chakruok 24:31

Nowachone niya, “Donji, in ng’at ma Ruoth Nyasaye oseguedho. Ere gimomiyo pod ichung’ oko? Aseikoni ot, kendo nitie kama ngamia nyalo betie.”

Ruth 1:8

To nowachonigi niya, “Ng’ato ka ng’ato kuomu mondo odog thurgi, kendo Ruoth Nyasaye mondo otimnu maber, mana kaka nutimona maber gi joga motho.

Ruth 2:11

Boaz nodwoke niya, “Osenyisa malong’o gik moko duto misetimo ni wuon odu nyaka ne chwori tho, kendo kaka niweyo wuoru gi meru kod piny ma nonywolie, mibiro ir ji mane ok ing’eyo.

Ruth 2:20

Naomi nowachone niya, “Ruoth Nyasaye, osetimonwa ng’wono kod jowa motho, mondo oguedh jalo.” Eka nomedo wacho niya, “Jalo en watwa mahie.”

Ruth 2:4

To bang’e Boaz nobiro e puothe, koa Bethlehem, momoso jokeyo niya, “Ruoth Nyasaye obed kodu!” Ne gidwoke ni, “Ruoth Nyasaye oguedhi!”

Ruth 3:9

Nopenje ni, “In ng’a?” Ruth nodwoke ni, “An Ruth, jatichni ma nyako. Yar gir um mondo iuma, nikech in e ng’at monego tera.”

1 Samuel 15:13

Samuel nodhi ir Saulo, mi Saulo owachone niya, “Ruoth Nyasaye mondo oguedhi. Asetimo gima ne Ruoth Nyasaye ochika.”