Ruth 2:20 - MUMA MALER 2015

²⁰ Naomi nowachone niya, “Ruoth Nyasaye, osetimonwa ng’wono kod jowa motho, mondo oguedh jalo.” Eka nomedo wacho niya, “Jalo en watwa mahie.”

Motingʼo Loko Manyien

²⁰ Naomi nowachone chi wuode niya, “Jehova Nyasaye mondo ogwedhe. Pok oweyo nyiso ngʼwonone ne joma ngima kod joma otho.” Nomedo wuoyo kowacho niya, “Ngʼat mosetimoni maberno en watwa hie, machiegni kodwa.”

Ruth 2:20 ပူးပေါင်းရင်းမြစ်များ

2 Samuel 2:5

nooro joote irgi, kowachonigi niya, “Ruoth Nyasaye mondo oguedhu, nikech nutimo ng’wono ni Saulo ruodhu, kuom yike.

2 Samuel 9:1

Daudi nopenjo niya, “Dipo kodong’ie ng’at moro ma ja dhood Saulo koso, mondo atimne maber, nikech hera mane aherogo Jonathan?”

Ayub 19:25

To ang’eyo ni ng’ato nitie e polo, ma nobi mondo ochwaka chieng’ giko.

Ngeche 17:17

En adier ni osiepni nyalo heri kinde duto, to owadu ema konyi e chandruok.

Tim jo-Lawi 25:25

“Ka wadu moro odoko modhier, mi ong’iewo lope moro, to watne machiegni nyaka war lowono.

Jo-Filipi 4:10

Mano kaka an gi mor maduong’ kuom Ruoth, nikech uchako upara kendo, bang’ ndalo mang’eny ahinya! Ang’eyo ni ne ok uweyo para, to thuolo mar timo gimoro ema ne otamou.

Ruth 2:21

Ruth nowachone ni, “Bende nokona ni mondo ati but jotichne nyaka chieng’ ma gitieko keyone duto.”

Ruth 3:12

Adier an jadhoodu mahie, to nitie wadu moro mahie moloya.

Ruth 4:14

Bang’e mon nowacho ni Naomi niya, “Opak Ruoth Nyasaye tinende, ma ok oweyi nono. Koro in gi nyakwari. Nying nyathi mondo obed gi huma maduong’ e Israel.

Ruth 4:4

Omiyo naparo mondo anyisi wachno, kakwayi ni mondo ing’iewe e nyim joma obet ka, kendo e nyim jodongwa. Kiyie warogo, to ware. To ka ok idwar ware, to wachna mondo ang’e, nikech onge ng’at ma diware mak mana in, kata an.” Mi jadhoodgino nodwoke ni, “Abiro ware.”

Ruth 4:6

Jadhoodgino nodwoke niya, “Ka kamano, to ok anyal ware, nimar dipo kaketho mwanduna awuon. Ber mondo ikaw kara, iwar gino ma owinjore awar, nikech an ok anyal ware.”